Kolose 1:22 - O Mikanda Ikola

²² Maji leluʼdi, ua mi luuluila mu kufua kua Monʼ ê, iú ua mi bhange mu makamba mê, phala nʼ a tene ku mi bheka bhu pholo iê mu athu azele, sé ngó dixaka, sé kuêla.

Kolose 1:22 ပူးပေါင်းရင်းမြစ်များ

II Samuuele 22:24

Muene ka ngi mono ni mixima iiadi bhu pholo iê, ituxi iami nga fulu muene i ku kaiela.

Jobe 15:15

Tala, Nzambi katé ni jisandu jê, ka ji dielela, né-mbe o diulu, ku mesu mê ki diala ni kuzela,

Jobe 25:5

Tala, katé ni mbeji ki iala ni kubenha; o jithéthembua ue ku mesu mê ki ji zele.

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Luka 1:75

mu kuzela ni kuiuka bhu pholo iê, izuua ietu ioso.

Loma 7:4

Kala kiki-phe, kiene kimoxi ni enu, phange jami. Enu uenu a mi bhange mu afi a Kitumu, mukonda mu mbandu kiá ku mukutu ua Kristu. Kiki Muène mua mu tokala, muenʼió ua fukunuka mu ʼalunga, ni tu kale tu luvalu lua ngene lua Nzambi.

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

II Kolindo 4:14

Kuma etu tua kʼijiia kuila o Nzambi ió uoso ua fukunuine Ngana Jezú, u tu fukununʼetu kumoxi ni Jezú, hé ua kà tu bheka kumoxi ni enu bhu pholo iê.

II Kolindo 5:18

Ima ioso-phe iii, Nzambi muene na i bhange, ua tena ku tu lunguluila mua Kristu ni tu kale tu makamba mê etu tua kexile tu jinguma, iú ua tu bhana o kikalalalu kia kubhanga kuila akuetu uâ a biluka makamba ma Kristu.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 10:10

Kuma-phe Jezú Kristu ua bhange kioso kia uabhela Nzambi, etu a tu zelesa ku ituxi mukonda dia kilumbu kia mukutu ua Jezú Kristu, kia bhana lumoxi ngó kuabhu.

Jihebeleu 10:20

Muʼaxaxi ka kibatulu, kifua o mukutu uê; muène ua tu jikuila njila ia ubhe, ia muenhu.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,