Kolose 1:21 - O Mikanda Ikola

²¹ Enuʼ enu mʼ ukulu mua kexile dikanga ni Nzambi. Mua di bhangele mu jinguma ja Nzambi mukonda dia ima iaiibha i mua xinganeka jinga, ni mukonda ue dia ima iaiibha i mua bhanga jinga.

Kolose 1:21 ပူးပေါင်းရင်းမြစ်များ

II Samuuele 22:24

Muene ka ngi mono ni mixima iiadi bhu pholo iê, ituxi iami nga fulu muene i ku kaiela.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Loma 1:30

Akua kabodio, aku kutatela. A di zemba ni Nzambi, a bhuma, a kala ni ukumbu ni izala. A funha jindunge javulu ja kubhanga kiaiibha. A xibhaka adiʼâ,

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Efezo 2:19

Uila kiki, enu ki mu Jijudé, ki muala dingi mu asonhi, mba mu athu engi. Maji muala kiá mu akua bhata, mua sokela ni akuenu akua Ngana oso mu dianda dia Nzambi.

Efezo 4:18

Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.