Kolose 1:20 - O Mikanda Ikola

²⁰ Uila kiki, Nzambi ua solele ue kua Mona kuluuluila-ku o ima ioso ni muène Nzambi, kia zubha kubhanga paze ni manhinga ma kufua kua Monʼê ku dikulusu diê; iene ioso kindala i luulukila kua muène o Mona, kixi ima mu ngongo, kixi ima ku diulu.

Kolose 1:20 ပူးပေါင်းရင်းမြစ်များ

Ijila 6:30

Maji o sata ia kituxi-phe ia kuila manhinga mê a ma bheka mu balaka ia kutakanena, mu bhanga kiamenga mu kididi kikôla, ioio ka i di; kikale iene ioso a i oha mu túbhia.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 5:5

Muenhú anga uà kà kala muene paze ietu. Kioso o Asídia kia kʼèza mu ixi ietu mu ku i lua, nʼa bhite ni kudiota ku thandu dia jinzu jetu ja matala, etu tua kà mu ixanena sambuadi dia abidi, ni dinake dia mona-ngana muaxaxi ka athu, ni a tu kudila.

Dialuilu 7:65

o ia jisata ja mutululuku, ngombe jiiadi, ilumbe itanu, isutu ia jihombo itanu, tumbudi tua ndumbe, tua muvu umoxi, tutanu; uene o ujitu ua bheka Abidai dia Ngidiione.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Jipoxolo 10:30

Koloneliu, uixi: Lelu uana kizuua tunde ki nga kexile mu ku kumbidila o ola ia katatu ia kusamba, ku kiemba Mu kumbi uila mueniumu, mʼ onzo iami, kua ngi tukulukila muthu ni izuatu ibenha,

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Efezo 1:10

O kikanenu Nzambi kia kà bhanga, o kuila kioso hinu kia kà tenena o thembu, ima ioso, kixi ima ku diulu, kixi ima mu ngongo, i takanena mua Kristu, o mutue uâ.

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.

Kolose 1:16

Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.