Kolose 1:18 - O Mikanda Ikola

¹⁸ Muène ue o mutue uavu mukutu uê o Ngeleja. Muène dimatekenu dia muenhu ua mukutu. Mu kufukunuka, muène thungunu ia madifundu a dianga ku mu fukununa mu ʼalunga. Kienʼiki, phala mu ima ioso muène a kale ku pholo dia ima ioso.

Kolose 1:18 ပူးပေါင်းရင်းမြစ်များ

Jisálamu 89:27

Muene-phe ngi mu ila: Monʼami ua phande-kumbi, muene suke-ku ku jisobha mu ngongo.

Mukumbi ua Mikumbi 5:10

Mukonda o kazola kami uedi ni kuzela ni kukusuka; muene ua beta ku di tungula mu makuinhi a jimidi.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Matesu 23:8

Enu-phe kana ku mʼila Mesene. Kuma sai Mesene ienu imoxi, enu oso mu jiphange.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Nzuá 1:1

Ku dimatekenu kioso mundu kiluua a u bhanga, ku kala o Diambu; o Diambu anga di kala kua Nzambi; o Diambu muène Nzambi.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 1:27

Muène uala mù kuiza ku dima diami, maji eme ki nga fuama ku mu jituina ngó o lungoji lua haii iê.

Jipoxolo 26:23

Kuma ene a tange, exi: Kristu ua kà bhita ku jiphaxi, muène ua kà dianga mu kufukunuka kuê ku ʼalunga, mu kutubhula o mukengeji ku mundu ua Jijudé ni ku matumbu.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

I Kolindo 11:3

Maji nga mesena-phe mu kʼ ijiia kuma o diiala dioso, ua mu kala ku pholo Kristu; o muhatu, ua mu kala ku pholo o diiala; o Kristu, ua mu kala ku pholo Nzambi.

I Kolindo 12:27

Kienʼ iki enu uenu muala mu mukutu ua Kristu; kala muthu mudienu uala kidiandu ku mukutu uene umoxi.

I Kolindo 15:25

Kuma Kristu muene ua bhingi u kalaku ku ungana, katé Nzambi kia tolola o jinguma jê joso, hé ua kà ji ta bhoxi dia inama ia Kristu muene.

Efezo 1:10

O kikanenu Nzambi kia kà bhanga, o kuila kioso hinu kia kà tenena o thembu, ima ioso, kixi ima ku diulu, kixi ima mu ngongo, i takanena mua Kristu, o mutue uâ.

Efezo 5:23

Kuma o ngana uala ni ukota ua kutumina ndona iê, mukuâ ni Kristu ki ala ni ukota ua kutumina o Ngeleja. Kristu muène o Mubhuludi ua Ngeleja, kuma uene o mukutu uê.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 22:13

Eme ngi Alafa ni Omeka; nga Dianga, nga Sukidila; ngi Dimatekenu, ngi Dizubhilu.

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki: