Kolose 1:16 - O Mikanda Ikola

¹⁶ Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

Kolose 1:16 ပူးပေါင်းရင်းမြစ်များ

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Izaía 43:21

Povo ienhiʼii nga i solo phala ende ni ku ngi ximana.

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Nzuá 1:10

Muène Diambu ua kexile mu ngongo, o Nzambi mundu ua u bhangela mua muène, maji o mundu-phe ki ua mu ijiia.

Nzuá 1:3

Ima ioso iòbhange, Nzambi ua i bhangela mua muène; kana kima kia bhange Nzambi sé muène.

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

Loma 8:38

Mukonda eme nga tetuluka kuila kana-ku kima ki tu batula ku henda ia Nzambi. Né kalunga, né muenhu; né ji-anju, né atumini mba makota ma ji-anju; né ima ia kindala, né ima ia hadia; né kusuina,

Loma 9:5

Ku muiji uâ kuene kua tokala o jitata. Kuene ue kua tundu Kristu, se tu mu tanga mu kidifua kiê kia xitu. O muène-phe muene Nzambi ua mu tumina oso, a mu ximane sé dizubhilu. Amén.

I Kolindo 8:6

Etu-phe kua tu kala ngó Nzambi imoxi. Muène Tata ua bhanga o ima ioso, etu tuala kulaia phala muène. Sai-ku ue Ngana imoxi ngó, muene Jezú Kristu; o kua Muene kuene kua bhangela o ima ioso; o muenhu u tuala na-u tua u muena kua Muène.

Efezo 1:10

O kikanenu Nzambi kia kà bhanga, o kuila kioso hinu kia kà tenena o thembu, ima ioso, kixi ima ku diulu, kixi ima mu ngongo, i takanena mua Kristu, o mutue uâ.

Efezo 6:12

Kuma o kulua kuetu ki kua ku di lua ni athu mu xitu, maji tu lua ni ifuẋi ia jinzumbi ja phulu ku ididi ia diulu, tu lua ni atumini, tu lua ni akutende, tu lua ni enexi a kithangana kia kitombeʼ ʼiki mu ngongo.

Matendelelu 4:39

Ijiia-na-kiu-phe lelu, ni kubanza mu muxima ué, kuma Jihova muene ngó o Nzambi mu diulu, ni mu ngongo bhoxʼabha; ki kuene mukuá.

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.

Kolose 1:15

Kristu muene kidifua kia moneka ku mesu, kia Nzambi ua kambe kumoneka ku mesu. Muène o thungunu, uala ku thandu dia ima ioso iobhange.

Kolose 1:20

Uila kiki, Nzambi ua solele ue kua Mona kuluuluila-ku o ima ioso ni muène Nzambi, kia zubha kubhanga paze ni manhinga ma kufua kua Monʼê ku dikulusu diê; iene ioso kindala i luulukila kua muène o Mona, kixi ima mu ngongo, kixi ima ku diulu.

Kolose 2:10

Enu-phe, mu kukala mu kisangela kumoxi ni muène, mua tambula muenhu ua tenena mua muène, ua bhingi muène o Mutue ua ukota uoso ni ungana utumina mu nzumbi.

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.