Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.
Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.
Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.
Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.
Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.
Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!
Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.
Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.
Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.
ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.
Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.
Kioso-phe Kristu ki eza, ua bokona ngó lumoxi kuabhu, mu Kididi-Kikôla-Kinéne, muène kambatele manhinga ma jihombo, mba ma anʼ a jingombe phala kubhakula kala sata. Maji ua bhana o manhinga mê muène, iú ua zubha o ku tu kula, ki kua bhingi dingi ku ki tona.
Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.
Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.
ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,
Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.
Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.