Kolose 1:10 - O Mikanda Ikola

¹⁰ Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 1:10 ပူးပေါင်းရင်းမြစ်များ

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Mikeia 4:5

Mukonda o kiki ifuẋi ioso a mu kuendela, muthu mu dijina dia nzambi iê, muthu mu dijina dia nzambi iê; etu-phe tua kʼèndela mu dijina dia Jihova Nzambi ietu, ku izuua ni izuua ki iene ni dizubhilu.

Habakuke 2:14

Mukonda o ixi ia kʼèzala ni kuijiia kua fuma ia Nzambi, mukuâ ni menha ki ezalesa o musanza ua kalunga.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

Loma 4:12

A kale ue tata ia ene oso akua kifua kia kusaia. Ki mukonda ngó dia kuila a a saie, maji mukonda a kaiela ue mu manhanhu ma kuxikana kuoso kua kexile na-ku Mbalahamu, thembuʼ oio kuila hanji iú-uê ku kanga, kiluua a mu saia.

Loma 6:4

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

II Kolindo 2:14

Maji Ngana Nzambi, a tane-ku! Mokonda, mu kudiongeka kuetu ni Kristu, Nzambi uene mu ku tu endesa jinga mukuâ ni athu a a kutila ku mukalatata mu kubhana o kikoue kia Kristu. Mukuâ ni ki muanganena mu ididi ioso o dizumba dia maji a mbote, kiene ue Nzambi kia mu bhanga ni etu mbé Kristu a tene ku mu ijiia kuala oso.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 5:9

Maji-phe, kiala-bhu kota, ki tua bhindamena, o kuuabhela muene Ngana kiambote, kixi tu kala kunu mʼonzo iii ia mukutu uetu, kixi tu kala koko.

II Kolindo 9:8

Nzambi-phe ua sokobho o ku mi bhana kia tundu ioso i mua bhindamena, phala izuua ioso mu kale mua tenena mu imbamba ioso ia mbote.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 4:13

Mu kieniiki, katé ki tua kà bhixila etu ene oso mu kuongama kua kuxikana kuetu, ni mu kuijiia o Monʼ a Nzambi. Anga tu kala ku uadiakime, hé tuia ni kukula katé mu kitale kia tenena kia Kristu.

Efezo 5:10

Sotenu kudilonga jinga ioso i uabhela kiambote Nzambi.

Efezo 5:15

Uila kiki, alukenu-phe kiambote kioso ki muenda. Kana kala mu ioua, maji mu kala mu jinjimu.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

Kolose 2:6

Uila kiki, kioso ki mua tambulula Ngana, Kristu Jezú, kiene ki muenda mua muène.

Kolose 3:20

Enu ana, tumakenu adi enu mu ima ioso, kuma kiene kia mi fuama mu ukidistá, o Ngana ue ki mu uabhela kiambote.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

II Timote 2:4

Kana muthu uaii mu usoladi u landukila dingi maunji a bhata, phala a tene kuuabhela kumandande ió uoso ua mu sendalesa o usoladi.

Tito 3:1

Athu a lembalese kuma, a di tume ni jixefe ni jingana ji tumina, a tumake jinge, a sakalale mu kubhanga ikalakalu ioso ia mbote.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Jihebeleu 11:5

O mu kuxikana, Enoko a mu ambata sé kumona kalunga. Anga ubhua athu ku mesu kuma Nzambi ua mu ambata sé muthu dingi ku mu mona, mukonda Nzambi muène ua mu ambata. O Mikanda Ikôla i ambe kuma kioso kiluua a mu ambata, muène ua kexi mukua kuxila kiambote Nzambi.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

II Phetele 1:8

Kuma imʼiii se mu kala na-iu, anga i vula, i mi bhangesa ki mu kala ni usonde, ki mu kambe kuima ibundu ia ibhangelu iambote mu kuijiia kua Ngana ietu Jezú Kristu.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 3:22

O ioso ue i tu bhinga kua muène, tu i tambula mukonda tu aiuka o ijila iê, etu tua mu bhanga o ima ioso ia mu uabhela muène.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

III Nzuá 1:6

Asonhi enʼ ió, ene muène ene ku ku bhela umbangi ua henda ié bhu pholo ia Ngeleja kunu. Ki uabha ue o ku a kuatekesa ku njila iâ, kala kia fuama o muthu ua Nzambi, nga ku diondo.