Jouele 3:9 - O Mikanda Ikola

⁹ Kienhiki kolenu-kiu mu miji ioso, ita i mi kale kima ki kôla! Ixanenu mazonda a bhixile, mala oso a ita a bande!

Jouele 3:9 ပူးပေါင်းရင်းမြစ်များ

Jisálamu 96:10

Tangenu-kiu ku matumbu muixi: Jihova ua hinge ungana uê. Muene ixi ua i kuatesa bhu kididi, ka tena ku i sendumuna; hádia muene u fundisa o mundu mu uiukilu uê.

Izaía 34:1

Bhiẋilenu kunu, mu ifuẋi, phala kuívua, enu ue mu mundu, ividilenu: Ivua eie u ixi ni ima ioso iene-mu, eie u mundu ni ima ioso-lolo idivualamu.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Jelemiia 50:2

Tangenu-kiu mu kaxi ka akua jixi. Ambenu-kiu a kʼivue, lekenu muene o mvela ambenu-kiu a kʼivue, kana ku ki sueka, kuila: Babilonha a mu tolola kiá, Bele ua tandanganha, Melodake a mu bhiti ku thandu, o iteka iâ sonhi ja a kuata, jinzambi jâ ja dibhale bhoxi.

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Jelemiia 51:27

Lekenu o mvela mu ngongo, mbungu xikenu-iu mu kaxi ka akua jixi; akua jixi a di zelese phala kuzoka-nê; bhongololenu mautuminu ma Alalate, ni Mini, ni Xikena, mu kuzoka-nê; mu kuzoka-nê katulenu kilolo, o jikabalu ji muʼendele muene mukua ni uombe ua salumuna.

Jelemiia 6:4

Mu kasedienu ita i mu buikise; balumukenu, tu bande mu kumbi dia mediia; kokolo dietuʼé! kumbi di diia kiá; o ilembeketa ia ngoloxi ilebhela kiá o kuiê.

Izekiiele 38:17

O Jihova Nzambi, uambe kiki: Eie kʼeie-muène ió nga mu tange mu izuua iókulu, ku ukunji ua abhikʼami, o jipolofeta ja Izalaiele, ió a tange o upolofeta mu ndumba dia mivu mu izuuʼomo, ngixi, nga-nda ku ku bheka mu kuzoka-nâ?

Izekiiele 38:7

Di iudike-phe, xi, u di lunge ni eie ni mundu ué uoso ua di-bande kokué, eie nda u di bhange u kilangidilu kiâ.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Zakadiia 14:2

Mukonda eme miji ioso nganda ku i bhongolola mu kubhânga, a lua ita ni Jeluzaleme; mbonge a kà i tambula o jinzu a kà ji bula ni ku ji bhûnda; ahetu a kà a ta jiphanda; mbandu muene ia mbonge ia kà-ia ku ubhika, maji o tumbalu-mbalu tua subhuka, mu mbonge ka kà tu kaia-mu.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.