Jouele 3:8 - O Mikanda Ikola

⁸ O anʼenu a mala ni anʼenu a ahetu nga-nda ku a sumbisa bhu lukuaku lua anʼa Juda; o ene uâ anga a sumbisa dingi anʼenu ku muiji ua masabeu, muiji ua di takula dikanga, kuma Jihova ua ki tange.

Jouele 3:8 ပူးပေါင်းရင်းမြစ်များ

Jobe 1:15

tala, kueza muʼanzanzaʼumu jisabéu ja di lunduluila-ku ia a jʼambata; abhika oso a a jibha ku mazu a xibhata, eme-muène ngó nga subhuka-ku phala ku ku tudila o njimbu.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Jelemiia 30:16

Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

Jelemiia 6:20

Uasu ua dizumba-phe uahi uene, ua mu ngi tundila ku Seba kuná, ni lumbungu lua beta kuiuka lua ima ia mazumba lua tundu ku jixi ja makanga? mibhaku ienu ia kuoha ki ia ngi uabhela, o jisata jenu ue ki ja ngi kala ku vondadi.

Izekiiele 23:42

O muene ua kexile kumoxi ni dízui dia kilungutu kia mundu ua tana, mu athu a kambe o majina muejila ue ni jihôlua ja kikangalakata; ia a te ue o malenge mu maku mâ ni itundu ia ungana ku mítue iâ.

Izekiiele 38:13

O Seba ni Dedane ni iá a tungu mu Talxixi kumoxi ni tuhoji tuâ tuoso, a kà kuʼambela, exi; Eie ua mu kuiza mu ku tambula o mabhundile? O kibuka kié ua ki phopho phala kunhangumuna o mbole? Phala kuambata o phalata ni ulu, phala kutambula o ibhaku ni maundundu, mbé o kubhunda ibhundile ia nzungule.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Afundixi 2:14

Njinda ia Jihova anga i uamena Izalaiele, Muene hé u a bhakula bhu maku a ingumba i kala mu ku a bhûnda; anga u a tambuisa bhu maku a jinguma jâ, ja a kala mu jimbandu, katé ka tena dingi kuimana mu kubhânga ni jinguma jâ.

Afundixi 4:2

Jihova anga u a bhakula bhu lukuaku lua Jabine, sobha ia Kanana, u kala ni mbanza iê ku Hazole, o kabhitangu ka kifuẋi kiê Xixela, ua tungile bhu Halosete ia matumbu.

Afundixi 4:9

Debola, uixi: Ngiia muene, ngi ku bheka; maji-phe njila iii i ua-nda kuendiʼii, eie kua-ndu katula-ku kijingo phala eie, kuma Jihova ua-nda kubhakula Xixela bhu lukuaku lua muhatu. Debola anga u balumuka, uila kumoxi ni Balake katé bhu Kadexe.