Jouele 3:5 - O Mikanda Ikola

⁵ Mukonda enu mua nhana phalata iami ni ulu uami, muʼ ambata ima iami ia makembu ia ngi uabhela kiambote, enu mua i te mu jitembulu jenu.

Jouele 3:5 ပူးပေါင်းရင်းမြစ်များ

II Jisobha 12:18

Maji-phe o Jouaji, sobha ia Juda, ua zangula o ima ioso ikôla ia lumbile Jozafate, ni Jolá, ni Akaziia, o jitata jê jisobha ja Juda, kumoxi kiá ni ulu uoso ua sangele mu mabhakelu a inzu ia Jihova, ni a inzu ia sobha, hé u u tumikisa kua Hazaiele, sobha ia Sídia, o muene hé u fula kuiza mu Jeluzaleme, u vutuka kʼoxi iê.

II Jisobha 16:8

Anga Akâji u zangula o phalata ni ulu uoso ua sange mʼonzo ia Jihova ni mu malundilu ma dibhata dia sobha, iú ua i tumikisa mu ku i bhanga ujitu kua sobha ia Asídia.

II Jisobha 24:13

O jimbongo joso ja inzu ia Jihova ni jimbongo joso ja dibhata dia sobha, ua ji katula iú uai na-ju; o itutu ioso ia ulu ia bhangele Solomá, sobha ia Izalaiele, ua i bula-bula kala kiambe o kizuelu kia Jihova.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Jelemiia 23:7

Uila kiki, kua-nda kuiza izuua, eme Jihova, nuka dingi a kèla: Jihova a nangenene, ua katula anʼa Izalaiele mʼoxi ia Ijitu:

Jelemiia 50:28

Dienhidi diene o dízui dia iá a lenge, ia a bhulaka mu ixi ia Babilonha, mbé nʼa di jimbule mu Ziione o phonzo ia Jihova, Nzambi ietu, o phonzo ia Tembulu iê.

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Izekiiele 37:12

Kala kiki, zambula u a tangele, kuma: O Jihova Nzambi uambe kiki, uixi: Talesenu, kuma eme hádia nga kà jikula o jimbila jenu, anga ngi mi bhangesa kutunda mu ina ienu, enu mundu uami, tata, hé nga kà mi bheka dingi mu ixi ia Izalaiele.

Daniiele 11:38

Inda ua-nda kusuua ngó o dihamba dia ukuenze ua ita, dihamba diene o jitata jê ka dʼijidile, diene dia-nda kubheza ni kubhakuila ulu, ni phalata, ni matadi a madiiamande, ni ima ia matunda.

Obadiia 1:17

Maji-phe ku mulundu ua Ziione kua kala kubhanduluka; kuá kala kuiuka kuma mulundu ua kà kala mulundu ukôla; anʼa Jakobo a kà lundula mabhata mâ.