Jouele 3:4 - O Mikanda Ikola

⁴ Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Jouele 3:4 ပူးပေါင်းရင်းမြစ်များ

II Malunda 21:16

Jihova anga u phaphumuna o nzumbi ia jifilisteu ni ia akua Alábia, ala ku mbandu ia Itiiópia, phala kuzoka ni Jolá.

Izaía 14:29

Eie Fidíxia ku sanguluke, kuile uixi, mbangala ia kexe ku ku kuama lelu ia bukujuka; kuma bhu kixina bhua tundu o nhoka, bhua kà tunda dizuua-mbinga, o kibundu kiê-phe, njiiu i tukila kuása.

Izaía 34:8

Kuma-phe kiene o kizuua kia phonzo ia Jihova, uene o muvu ua kufuta o jinguma joso jene mu kuzoka ni Ziione.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Jelemiia 47:1

O kizuelu kia Jihova, kieza kua polofeta Jelemiia, kia kuzoka ni akua Fidíxia, kioso hanji Falaó kiluua a jimisa o mbânza ia Ngaza.

Jelemiia 47:4

Mukonda dia kizuua kia mu kuiza phala kubuikisa o akua Fidíxia oso, phala kubatuila ku Tilu, ni ku Sidone, mbebhu ki kuize athu mu ku a kudila; mbata Jihova ua-nda kujikinisa akua Fidíxia, ió oso a subhuka mu kikolo kia Kafitoli.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 11:22

Ngi mi ambela-phe kuma, inda Tilu ni Sidónia, Nzambi ua kà a lendukila mu kizuua kia kufundisa, enu kana!

Luka 10:13

Lamba dié, eie u mbanza ia Kolazini! Lamba dié, eie u mbanza ia Betesáida! Kuma o ikalakalu ia isunji iòbhange momuenu, se a i bhangele mu Tilu ni Sidonha, o mundu momo hinu o ituxi iâ a i eha ukulu. O mu kulondekesa o kudiela kuâ eji kuzuata kidinhaji, hé a xikama bhoxi a di kuu mu uthôkua!

Luka 10:14

Mu kizuua kia kufundisa-phe, Tilu ni Sidonha a kà beta kumona ujitu kua Nzambi, enu kana.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

II Tesalonika 1:6

Kala kiki, kima kiaiuka ki bhanga Nzambi kienʼ iki: O ku a vutuila hadi, ene oso a mi talesa enu hadi.

Afundixi 11:12

Jefete anga u tuma jiphunga kua sobha ia anʼa Amone, uixi: Etu tualʼadi ni mvunda iahi, i ku bheka eie mu kúlua nʼeme kiki mʼoxi iami;