Jouele 3:2 - O Mikanda Ikola

² Miji ioso nga kà i bhongolola, hé nga kà i bhangesa ku kulumuka mu dikôlo dia Jozafate; mueneʼomo-phe kiá, nga kà funda-nâ mukonda dia kifuxu kiami, ni undûndu uami, Izalaiele, a mu muanga-muangena mu jixi kuala ene, ixi iami iá a di uanena-iu.

Jouele 3:2 ပူးပေါင်းရင်းမြစ်များ

II Malunda 20:26

O ku tula mu kizuua kia kauana, anga a di bhongoluela mu Dikôlo dia Belaxa, mbata mueneʼomo muene mua ximanena Jihova, kiene kididi kiokio kia kʼixanena dijina dia Dikôlo dia Belaxa katé mu kizuua kia lelu.

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Jelemiia 12:14

Jihova uambe kiki, ku mbandu ia nzukame jami joso ja ibha a mu bhunda o undundu uami, u nga lunduisa o mundu uami ua Izalaiele: Talesa, nganda ku a vuza moxi iâ, o dibhata dia Juda hadia ngi di vuza muʼaxaxi kâ.

Jelemiia 25:31

Kinuminu kia kà bhixila katé kua sukuʼoxi, mukonda Jihova ua kuata mvunda ni akua jixi, xitu ioso ua kà funda na-iu; athu a ibha ua kà a bhakula ku xibhata, kiene kiambe Jihova.

Jelemiia 49:1

Ku mbandu ia anʼa Amone, Jihova uambe kiki; Manhi Izalaiele ua kambe anʼa mala, mba jindundu? Mukonda diahi-phe, Malkane muene ua lundula Ngade, o Kifuẋi kiê ia a tungu mu jimbanza jêʼmuene?

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Izekiiele 25:8

O Jihova Nzambi uambe kiki: Mukonda kiedi kala kia mu tanga Mouabhe ni Seíle, exi: Tala, o dibhata dia Juda diedi kala o miji ia mukuá;

Izekiiele 34:6

O mbudi jami jì ja mu bunganena ngó mu milundu ioso, ni mu tuthuthulundu tuoso tua di leka; xi, kiene muene! O mbudi jami joso ja muanganena ngoho mu tumbu ni ngongo, ki ji moneka uoso u ji sota, mba uoso u ji takana (ku ja di texiʼoko).

Izekiiele 35:10

Mbata enu mua mu zuela, muexi: O miji iiadi ni jixi jiiadi ja-nda kukala jamiʼeme-muène, hé tua kà ji-vua, o muene, muene mua kexile Jihova.

Izekiiele 36:1

Eie-phe monʼa diiala, zambuila o milundu ia Izalaiele, uixi: Enu milundu ia Izalaiele, ivuenu o kizuelu kia Jihova.

Izekiiele 36:5

kala kiki, o Jihova Nzambi uambe kiki, uixi: Ni kidi kiene, mu túbhia tua muanu uami, muene mu nga zuelela mu kuzoka ni masubhu a akua jixi ni Idomo ioso kiá, ala kubhûnda o ixi iami, ni kusanguluka kua muẋima uâ uoso, ni kukamba kusuua o muenhu, mbé ku u takuila ku uiii.

Izekiiele 38:22

Anga mu ku zoka-nê nga kà mu bilukila ni dibhebhu ni manhinga; ni mvula ia kungulula-musoke, ni imatadi ia makota ia mvula, nga kà lauila túbhia ni xofidi ku thandu diê, ni ku thandu dia masoladi ê, ni ku thandu dia miji ia vulu ioso i kala kumoxi ni muene.

Izekiiele 39:11

Anga kia kà bhita-phe kuila, mu kizuua kienhókio, Ngongo nga kà mu bhana kidindu mua Izalaiele, o Dikôlo dia Ngenjiʼa-Thumba dia kexila ku thunda dia musanza ua kalunga; anga oso muene a bhita-mu enda ni kusasumuka; muenhomo muene mua kà funda Ngongo ni mundu ué uosololo, anga a kà dʼixana kiá exi: Dikôlo dia Mundu ua Ngongo.

Jouele 3:12

Miji ioso i sendumuke, a bande mu kuia ku dikôlo dia Jozafate! Kuma nga kà xikama mueneʼomo phala kufundisa o miji ioso mu jimbandu.

Jouele 3:14

Ifuẋi ni ifuẋi mu dikolo dia kufundisa! Mukonda kizuua kia Jihova kia zukama mu dikôlo dia kufundisa.

Amoji 1:11

Jihova uambe kiki: Idomo kia tondala lutatu ni luuana, kibetu kiê ki ngi mu katula na-kiu; mbata phangʼiê ua mu zuididika ni xibhata, henda ioso ia undandu ngué na-iu; njinda iê i jiza ni ku sanujuna ku mivu ni mivu, o kuluuala kuê ki kuene mbambe.

Mikeia 4:12

Maji enhó, o mabanzelu ma Ngana-phe, ene kʼa mʼejila, o ikanenu iê ue ki ia a lombolokela; mukonda muene ua ongeka kala jihuinhi bhu kienda kia kuvundila jimbutu.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.

Dijingunuinu 16:16

Kienhókio o jinzumbi jaiibha anga ji bongoluela o jisobha bhu kididi a kʼixana mu mbimbi ia Hebeleu exi Alumajedone.

Dijingunuinu 16:6

Kuma ene a lundulula jinga manhinga ma akua-Ngana ni ma jipolofeta, eie-phe ue ua a bhana manhinga phala kùnua. Mukonda a-lu tambula kioso kia a fuama!

Dijingunuinu 20:8

Hé u tunda mu kubhomba akua jixi, a di muangena mu ngongo ioso, ene a Ngongo ni Mangongo. Enhá Satana ua-nda ku a bhongolola phala kuiza ku ita, o kuvula kuâ mukuâ ni kisèkele bhu ndúndu ia kalunga.