Jouele 3:19 - O Mikanda Ikola

¹⁹ Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Jouele 3:19 ပူးပေါင်းရင်းမြစ်များ

Jisálamu 137:7

U Jihova, lembalala kia zuela anʼa Edomo kizuua kia buika Jeluzaleme, exi: Sengulula muene, sengululenu, Jeluzaleme i bhue-bhu katé ku mavu.

Izaía 11:14

Inda ene a kà tuka-tuka ni kusambela bhu isuxi ia akua Fidíxia ku uômbe; endela bhuamoxi mu kutambula madibhundila ku akua-thunda; a kà ta maku mua Idomo ni mua Mouabhe, anʼa Amone ue a kà a tolokela muene.

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Jelemiia 49:17

Kienhiki, Idomo ua-nda ku kala kima kia kidiuanu; uoso-uoso u bhita bhu mbandu iê ua-nda kudiuana anga u xika muphióphio mukonda dia mabhebhu mê.

Jelemiia 51:35

O kusuina kua ngi bhange eme ni xitu iami, kuize ku thandu dia Babilonha, ua tunga mu Ziione a ki tange; o manhinga mami ma laúkile ku thandu dia iâ a tungu mu Kaldeia, Jeluzaleme a ki tange.

Kuditenda 4:21

Eie-phe, monʼa kilumba kia Edomo, ua tungu mʼoxi ia Uze, tana-ku, u sanguluke! Dikáu-ze hádia dia-nda kubhiẋila ue kokué, hinu-phe ukodiua na-diu anga u di vungununʼê eʼmuene-muène hé u xala tuẋi.

Obadiia 1:1

Kisuma kia Obadiia. Kienhiki kia tange Ngana dia Jihova kua Idomo: Tuene mu kuívua o ulongelu ua Ngana; ku jixi joso a tumukisa-ku mukunji, kuila: Balumukenu, tu imane, tuie mu kúlua ita ni Idomo.

Habakuke 2:17

Mukonda o usuéia ua bhange kua Libanu ua kà ku vungina eie, o kia buidisa o iama ia misalanganda kia kà ku bhekela uoma; mukonda dia manhinga ma bhubhisa ma athu ni usuéia uavulu ua bhange kulu dia mundu, ni mu jimbanza, ni ku athu oso kiá atungu-mu.

Zakadiia 10:10

Mukonda eme nga-nda ku bhangesa kuila a kà vutuka mu ku tunda ku Ijito, nga kà a bhongolola muene mu ku tunda ku Asídia, hé nga kèza-nâ mʼoxi ia Ngiliiade ni mu Libanu, ki kua-nda kuà kala kididi ki soka phala ene.

II Tesalonika 1:6

Kala kiki, kima kiaiuka ki bhanga Nzambi kienʼ iki: O ku a vutuila hadi, ene oso a mi talesa enu hadi.