Jouele 3:17 - O Mikanda Ikola

¹⁷ Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Jouele 3:17 ပူးပေါင်းရင်းမြစ်များ

Jobe 15:19

kua ene ngoho kuene kua bhele o ixi, o mu kaẋi kâ ki mu bhiti dingi muthu uengi, kienhiki:)

Jisálamu 76:2

Mu Saleme muene mua te o balaka iê, o dibhata diê dia kala mu Ziione.

Jisálamu 9:11

Imbenu diximanu dia Jihova, ua tunga mu mbanza iê ia Ziione; o ikalakalu iê iene kubhanga, tangenu-iu mu akua jixi.

Makatukilu 16:12

Ngʼevu o kulongolola kua anʼa Izalaiele; a ambele-phe, kuila: Lelu mu ngoloxi iii, kumbi ki di koloka, mu dia xitu, o ki kúkia mu dia mbolo, mu ikuta; phala enu mu kʼijiie kuma eme Jihova, Nzambi ienu.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Jelemiia 31:40

Dikolo dioso dia imbi ni uthôka, mikáu ioso katé ku honga ia Sedolone, katé bhu thungi ia dibhitu dia Jikabalu, kua lungila ku thunda, ioso a kà i lumbila Jihova; ka kà i vuza dingi, ka kà i bula dingi katé ku hádia ni hádia.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Izekiiele 37:6

Nga kà ta dingi o mixibha ku thandu dienu, hé ngi bhangesa kuila o xitu i sabhuka dingi ku thandu dienu, anga o ku thandu dienu nga kà zala-ku dingi o kikonda, hé ngi tá o nzumbi mʼoxi dienu, anga mua kʼèza dingi ku muenhu, nda mu kʼijiie kuila emeʼeme ngi Jihova.

Izekiiele 43:12

O kitumu kia inzu-phe, kienhiki: O bhu dizôko-zôko dia mulundu, mu jimbandu jê joso mu dia suku, kiene kia kà kala o kididi kikôla; talaze, kuma, o kiki kiene o kitumu kia inzu.

Izekiiele 44:9

O Jihova Nzambi phe uambe kiki: Ki bhu kale muthu uengi uoso-uoso, ku jinzuàngiza jala muʼaxaxe ka anʼa Izalaiele uala ni dibôlo dia muẋima mba dibôlo dia xitu, nʼa bokone jinge mu dibhezelu diami.

Izekiiele 48:35

Kuinhi dia midi ni nake dia jikóvadu mu jimbandu; o dijina dia mbonge, tundé kiá mu kizuua kienhókio, a kà i luka, exi: Jihova bhene bhuala, mba, Jihova iu bhabha.

Daniiele 11:45

Ua ka phapha jibalaka ja kilômbo kia mbanza iê bhu kaxi ka musanza ua kalunga ka dikota ni Mulundu ua ulamba; maji hádia o dizubhilu diê ki dʼiza, u mu banda ka moneka.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Jouele 2:27

Enu anga mu kiʼijiia, kuila, eme ngala muʼaxaxe ka Izalaiele, ni kuila ue eneʼmuène ngó Jihova Nzambi ienu, kana-ku dingi uengi ua di te-ku. O mundu uami-phe ka kà u kuatesa dingi jisonhi katé ku hádia ni hádia.

Jouele 3:21

Nga kà zelesa o manhinga ma ió oso ki nga a zelesele luua. Mbata Jihova ua kà tunga mu Ziione.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.