Jouele 3:16 - O Mikanda Ikola

¹⁶ Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Jouele 3:16 ပူးပေါင်းရင်းမြစ်များ

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 61:3

Mukonda tundeʼokulu, eie-muène u dilengelu diami, u mboge iami ia matala mua bhingi o nguma ki i ngi tena.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 33:16

O muthu iú ua kà tunga kididi kia di-leka; disuamenu diê, o jimbongo jótunge ku matadi; a mu bhana jinga kúdia kuê, o menha mê ma kalé.

Izaía 33:21

O muenhomo Jihova ua-nda ku tu kala ditunda, ua kà bhanga kididi kia jingiji ni jihungulule ja dixala; ki mu bhite ulungu uendela ku malemu, ki muendela ue naviiu iadikota, lémbue.

Izaía 42:13

Jihova ua-nda kutubhuka mukuâ ni kindanda; ua-nda ku di-ambatesa ni huii kala ki bhanga o dikuenze dieta; u kola, u ta kibulukutu kionéne, anga u tolola o jinguma jê.

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 17:17

Ku ngi diuanese; eie u dilengelu diami bhu kizuua kia divuua.

Izekiiele 38:19

Mbata o mu muanu uami nga kiambe, ni mu kutema kua túbhia tua njinda iami, kuila o mu kizuuʼokio kua nda kukala kiteketela kia dikota mu ixi ia Izalaiele;

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Amoji 1:2

Hé uzuela, uixi: Jihova ua kà hunza mu Ziione, ua kà bhela mbimbi iê mu Jeluzaleme; mu kikála mua tungile jinge o tubhila muà kala mukondo, o bhu thala ia mulundu ua Kalumelu bhua kà kukuta.

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Nahumu 1:7

Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Ajeu 2:6

Mukonda kiene kiambe Ngana Jihova dia Ifuẋi, uixi: Kua kambe ngó bhuòfele hinu ngi tungutisa dingi oxi ni diulu, ni menha ma kalunga, ni oxi ioso ia kukuta.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 9:12

Anga ngʼambela, ngixi: Vutukenu mu kimbaka, enu sumbala a mi kutu maji hanji muala ni kudielela; lelu dienhidi ngi mi tangela kuila imbamba ienu ioso nga-nda ku mi vutuila-iu mu luiadi.

Jihebeleu 12:26

Muène mu thembuʼomo dizui diê dia tungutisile oxi, maji-phe kindalʼiki muène uambe kiki: Hinu ngi ki tona dingi lumoxi o kutungutisa oxi, maji ki iene ubheka uê, katé ni diulu.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 16:18

Anga ku kala jinzaji, ni mázui, ni inuminu. Hé ku kala ue ni kiteketela kia ʼxi, kiluua ngó ki bhita hanji kieneku athu mu ngongo, o kiteketela kia ʼxi, kia dikota, kia suina kiavulu kala kiki!

I Samuuele 15:29

O Kutende ió ua di bhana muene fuma ia Izalaiele, ka ẋikina kuta makutu mba kudiela; mukonda muene ki muthu kuila u diela.