Jouele 3:13 - O Mikanda Ikola

¹³ Tenu-mu kibholola, kuma díbhia dioso diabhi kiá; zenu mu kuvuka ji-uva, kutukenu kuma ditangi diezala, itutu ioso ia matangi iala mu subhajaka; mbata ufusa uê uonéne.

Jouele 3:13 ပူးပေါင်းရင်းမြစ်များ

Dimatekenu 13:13

Kienhiʼokio-phe akua Sodoma a kexile athu a bhukumuka kinéne, a ta jinga ituxi ia vulu kua Jihova.

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

Dimatekenu 18:20

Jihova anga u zuela dingi, uixi: Mukonda o kudikola kua tundu mu Sodoma ni Ngomola kuavulu, ituxi ia kubhukumuka kuâ iavulu dingi kinéne.

Izaía 17:5

Mukonda kia kà bhita kala mumuni u muna idima mʼóbhia, u bukula mítue ia masa ni lukuaku luê; mukuâ ni muthu uoso u bhongolola masa mu dikôlo dia Lefaíme.

Izaía 63:3

Ditangi nga di kame muene ubheka uami, ku akua jixi né ngó umoxi ua ngi bande; nga a diota ni njinda, nga a titidila mu kutema kuami; manhinga mâ ma manukina ku izuatu iami, izuatu iami iezala mabhaka.

Jelemiia 51:33

Mukonda Jihova dia Ifuẋi, Nzambi ia Izalaiele, uambe uixi: O monʼa kilumba ua Babilonha uedi kala dizanzu (kienda) bhu kumbi dia kuvunda jimbutu; kua mu xala ngó kithangana kumbi dia kumuna di bhixila.

Kuditenda 1:15

Jihova ua diatela bhoxi o mazonda mami moso ma ita, ma kexile nʼeme mu dibhata muene; ua ngʼixanena nzungule ia mundu, phala ku ngi sosomuena o nzangi ia minzangala iami ia mala; Jihova ua zangula kilumba, monʼa Juda, iú ua mu tuzala kala mu ditangi dia kukamena o vinhu.

Hozeia 6:11

Eie ue, Juda, kua ku xikamena o ku ku muna, kioso ki ngi bhuisa-ku o ubhika ua mundu uami.

Matesu 13:39

O nguma uoso ua ji kuua, muene Diabhu; o thembu ia kubhongolola, o dizubhilu dia mundu; abhongolodi, o jianju.

Marku 4:29

O kibundu-phe ki kia-nda kúbhia, kithanganʼokio u sunga kibhôlola, kuma thembu ia bhixila ia tokala o kumuna.

Matendelelu 16:9

Kienhókio u kondala-phe kiá sambuadi dia semana, u andekela bhu kizuua kia kuila omvo a i te kiá mu mábhia, phala kumateka kumuna, anga eie uandeka kukondala sambuadi dia semana.

Dijingunuinu 14:14

Kienhókio anga ngi talesa, hé ngi mona dituta diazele, o ua xikama ku dituta uedi kala monʼa muthu. O ku mútue uê kua mu kala kitundu kia ulu, o bhu lukuaku luê ua kuata kibhôlola kiatu.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.