Jouele 3:10 - O Mikanda Ikola

¹⁰ Matemuʼenu a a Sule jixibhata, o jimvu jenu a ji Sule misongo ia mifula, ua kambe nguzu a zuele, uixi: Eme ngi kindanda kia ita!

Jouele 3:10 ပူးပေါင်းရင်းမြစ်များ

II Malunda 25:8

O ki uila-phe uia, bhanga-kiu, maji mu kubhânga u suína muene; Nzambi uanda ku kubhangesa ku dibhala bhu pholo ia nguma jé; mukonda Nzambi uala ni nguzu ia kukuatekesa ni nguzu ia kubhalesa.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Mikeia 4:3

Muene anga ua kà fundisa ni mabatuilu mê muʼaxaxe ka ifuẋi iavulu; ua kà bhana kaxtiku ku miji iala ni kutena, katé ni iii iala ku makanga, enhó anga jixibhata jâ a kà ji sula kiá matemu phala kudima, o mifula iâ a kà i bhanga jimvo; muiji umoxi ki ua kà leka dingi xibhata mu kubhânga jimvunda ni muiji ua mukuá, ka kà di longa dingi kúlua ita.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Luka 13:12

Jezú kia mu mono, u mu ixana, hé u mu ambela, uixi: Muhatu, nga ku jituna ku uhaxi ué.

Luka 22:36

Muène-phe ua ambela, uixi: Kikiphe uoso uala ni hutu ni mbuenge ue, a i ambate. O uoso ue ua kambe o mukuale, a sumbise o dibeka diê ni a u sumbe.