Bhuà kala kubhondalala, misusu ni malamba, kikote, mukua ni muhatu uala ku mika ia kuvuala; kala muthu kià mona mukuâ ua kà sasumuka; jipholo jâ, ja kà lekujuka.
Ibhulenu-phe, mu mone, se diiala u kala ni mika ia kuvuala. Phalaʼhi-phe nga lu mona mala oso a di kuata maku mu miongo kala muhatu ua-nda kutula mona bhoxi? Abha phalaʼhi, pholo joso ja kituluka ni ku di suuata?
Maji o kiki a xikelela ni ene dikala ndenge; o kia bhita mu nzunga ka ejiia dingi. Kikonda kiâ kia naminina ni kiene ku ifuba, kia kukuta muene, kia biluka ni kiene kala luhuinhi!
Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.
O ngenda ia jihoji kindala ii kuebhi? O madilu ma tuana tua jihoji iá kuebhi? Kuebhi kua kexi mu nhungina hoji ia ndumbe ni ia mukaji ni anʼâ sé kumona muthu ua a sasumukisa?