Jouele 2:3 - O Mikanda Ikola

³ Ku pholo iê ku dianga túbhia tuamuzukuta, o kuema diê milengu iia ni Kiaula; o ixi bhu pholo iê mukuâ ni Díbhia dia Edene, maji o kuema diê-phe i di bhanga kikangalakata kiósengulule; kiene muene, kuma kana kama ka kà mu somboka.

Jouele 2:3 ပူးပေါင်းရင်းမြစ်များ

Dimatekenu 13:10

Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.

Dimatekenu 2:8

Jihova Nzambi anga u kuna díbhia dia bhange ku mutundila-kumbi mu Edene; anga u tá-mu o muthu a zubha o ku mu iudika.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 97:3

Ku pholo Iê ku tuamena túbhia, o jinguma jê ji jokotela mu jimbandu.

Makatukilu 10:15

Kuma kiezalesa ixi ioso, mavu oso a kusuka ni ene nguí ni kihoho, anga ki dia o iangu ioso ku mavu, ni ibundu ioso ku miẋi, ni ioso kiá ia subhuka ku matadi a mvula; katé ku miẋi ioso ni ku idima, ni kiangu ngó ki ki xala-ku mʼoxi ioso ia Ijitu, tundé ku mbámbe katé ku mbámbe ia mukuá.

Makatukilu 10:5

Bhuoso bhu ki tula bhu izala, o mavu ku a mono dingi; ki ende ni kudia o ima ioso iauisu ia xala, ioso ia subhuka ku mvula ia matadi, ni miẋi ioso i sabhuka ku mikáu.

Izaía 14:17

Ua kitula jinga oxi kala kikangalakata, o jimbanza jê iú ua ji sengulula jinga? O jihutile jaʼxi muene ka ji ehela jinga kuiá ku mabhata mâ.

Izaía 15:6

Kuma o kukamba menha ma Nidime kua dibhange ue kíbhidi; mbata iangu iakukuta kiá, mafe ma lalumuka, kana-ku ngó kathumbi ka buingita.

Izaía 33:4

Kiene kiua kia-nda kua kà bhongolola o madibhundila u mua xi bhoxi, mukuâ ni kia bhongolola o kabótua; kala ki tuka-tuka o mahoho, kiene ue kia kà tuka-tuka athu bhenhobho.

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Izaía 9:18

Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Izaía 9:19

Mukonda dia njinda ia Jihova dia Ilômbo Ieta, oxi, ia kà vunda, o mundu ua kà kituka kala iangu ia kuoha; ki bhuá kala muthu u kondeka phangʼiê.

Jelemiia 5:17

Ene hinu a kàdia o itula ié, ni mbolo ié ia tokalele anʼé a mala ni anʼè a ahatu; jimbudi jé ni jingombe a kà kudia-ju; a kà dia ue ni muvide ué ni mufiku ué; o jimbonge jé ja makota ji ua dielela a-nda ku ku senguluila-ju kuala o xibhata.

Izekiiele 36:35

A kʼènda ni kuila, exi: Ixi iii ia kibuika, kiki ia di bhange mukuâ ni kadíbhia ka Edene! O jimbanza ja kexile ngoho, ja di bhangele jingûndu, a ji bulu, o kiki ja kuata ja kolo, ʼji ja tungiua.

Amoji 7:4

Jihova Nzambi anga u ngi londekeza dingi kiki: Talesa, ngi mona Jihova Nzambi iú handekela, uala kuixana túbhia phala ni tu mu batuila milonga ioso; tuene anga tu jikinisa o kidikungu kia dikota, anga tu sota kujikinisa ue o mikáu ia undundu uangene ua Jihova.

Habakuke 1:6

Mukonda ngi balumuna o muiji ua jikaldeu, muiji ua temanana, uazanzuka, o ixi u i endela bhu kuzanza kuê, anga uia mu ku bhingana mabhata ki ma mu tokala.

Zakadiia 7:14

Nga-nda kua kà a muangena ni kitembu kia kibhungu mu kaxi ka miji ioso ia kambe ene kuijiia, o ixi ku dima diâ, ia kà xala ia hatu, ià kala ia ngoho kala ia zuluka ku kibhungu kia dikota. O kienhiki kia kà bhangesa kuila ki bhu kala muthu u bhita-mu, mba u vutukila-mu; kuma ia kexile ixi iambote, o kiki a i kitula jingundu.