Jouele 2:24 - O Mikanda Ikola

²⁴ Bhu mavundilu bhuà kezala ni tiliku, matangi a ku kamena vinhu ia uisu ni maji a kà subhajaka.

Jouele 2:24 ပူးပေါင်းရင်းမြစ်များ

Izekiiele 36:8

Maji-phe, enu mu milundu ia Izalaiele, muanda kulukula o jithangu jenu, anga muʼima o ibundu ineu, phala o mundu uami ua Izalaiele; mukonda kua a kambe ngó kathangana phala kuiza.

Jouele 3:13

Tenu-mu kibholola, kuma díbhia dioso diabhi kiá; zenu mu kuvuka ji-uva, kutukenu kuma ditangi diezala, itutu ioso ia matangi iala mu subhajaka; mbata ufusa uê uonéne.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Ijila 25:19

Ni oxi iene ue ia-nda kubhana o ibundu iê, mua-nda kudia jinga anga muikuta, anga mu di hola muene ku mátui mu tunga mu soma.

Ijila 26:10

O ku ima i mua lunda ukulu kuene ku mu dia katé kia mi kumu, anga mu kubhinganesa iòbhe iòkulu mu i texe bhobho, muexi iatumbuluka kiá.

Amoji 9:13

Talesa-phe izuua i iza, Jihova ua ki tange, ia bhingi kuila mukua kudima u sokela ni mukua kumuna, o mukua ku kama ji-úva u sokela ni ió u kuua jimbutu; kieneʼokio milundu ia kà zunzumuka vinhu ia uisu, tuthuthulundu tuene tuoso tua kà sengumuka.

Malakiia 3:10

Bhekenu madijimu moso mʼonzo iami ia dilundilu, mʼonzo iami mu kale mákudia; o ki mu zubha ku ki bhanga, ngi lodienu kiá, eme ngi Jihova dia Ilombo Ieta, se ngi kamba ku mi jikuila jinjanena ja diulu, ni ku mi lunduluila dibesá, di mi soka anga di subhuka, di bhinga ki di kala ni nzôngo iê mu ku mi bhekela jimbote.