Jouele 2:23 - O Mikanda Ikola

²³ Enu-phe mu anʼa Ziione, tanenu-ku mu sanguluke mua Jihova Nzambi ienu, mbata muene ua kà mi bhana ió u mi longa mabatuilu ma kidi, ua kà mi tuluila mvula ia kudinji ni ia kasamanu bhu mbeji ia dianga, kala ku dimatekenu.

Jouele 2:23 ပူးပေါင်းရင်းမြစ်များ

I Jisobha 8:36

eie-phe ku mauluʼoko ivua, phala u loloke o kituxi kia abhikʼé ni kia kifuxi kia Izalaiele, ni ku a longesa o njila iambote, mua fuama o kuendela, nda u bhane mvula mu ixi ié i ua bhana o kifuxi kié mu undundu.

Jobe 33:23

Maji se muene u kala ni anju iia ni kudionda, ia di bhange umoxi ku jimidi, phala kuambela muthu kioso kia fuama o kuiuka,

Jobe 37:13

Muene u bheka ngó ima ioso iii phala kubazela, kia fuama mu ngongo, mba phala kuia ngó ni kubhanga jihenda jê.

Jisálamu 104:34

O kubanza kuami kua muẋima kua muene, ku kale kua kusanguluka; ngi sangulukila jinga kua Jihova.

Jisálamu 147:8

Muene, muene ua vungina o diulu ni matuta, u iudika o mvula kunoka mu ngongo, u bhangesa iangu ia uisu kusabhuka ku milundu.

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 32:11

Tanenu-ku kua Jihova, mu sanguluke enu mua iukila mu njila; imbenu ni ngalasa oso muemana muẋima nzanza.

Jisálamu 84:6

Kuma kia bhita mu dikôlo dia kikaku mua kukuta, mu di bhanga kididi kia jifiẋi ja menha; mikáu iê i zuata kala bhu thembu ia kisonaxi.

Jisabhu 16:15

Pholo ia Muenexi se i ku tala ni ngalasa, eie u bonga muenhu; o kiadi kiê, mukua ni dituta dia mvula ia isanga bhu kasamanu.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 5:24

Alembua kuila mu muẋima uâ, exi: O kiki tu xile kiá Jihova Nzambi ietu, mukua ku bhana o mvula, ni ia kudinji ni ia kasamanu, bhu kithanga kiê; mukua ku tu bhakela o jisemana joso ja tu xindila jinga kumuna o idima.

Kuditenda 4:2

Anʼa Ziione, a kôla ku kijingu mukuâ ni ulu uafina, o kiki asokʼuâ kiá ni itutu ia utuma, a di bhange kala kikalakalu kia mumbi-a-jímbia, tata!

Izekiiele 34:26

O jene nga kà ji kitula dibesá kumoxi ni ididi ia mulundu uami ukôla; o mvula hé nga kà i tuma kusonoka bhu thembu iê; ia kà kala mvula ia kizediuise.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Ijila 26:4

eme-phe ue ngenda ni ku mi bhana mvula ienu bhu thembu iê ia tokala; o ixi ienda ni kutubhula muene ima ia ubhe, o ku mikáu miẋi ia kuphapha ue ilukula muene ibundu.

Amoji 4:7

Ku thandu dia kiókio, mvula nga mi katula na-iu ki kua kambe ngó mbeji jitatu phala ku muna idima; nga nokesa mvula mu sanzala iii maji mu sanzala ja mukuá, lémbue! Ngedi díbhia didi dia nokena, o díbhia dia mukuá ki di nokena, idima ia kukuta!

Zakadiia 10:1

Nga bhingi mvula kua Jihova bhu makumbi a mubatuku ua mvula, mukonda Jihova muene ua bhanga matuta ma mvula, athu u a bhana mvula ia nzungule, kala muthu u mu bhana ni iangu iê ku mábhia.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Zakadiia 9:13

Mbata Juda nga mu bhetekela kokuaʼmi kala mufula, eme ngezalesa Ifalaíme ni nguzu kala misongo ia mufula; eie Ziione anʼé nga kà a funhisa, anga a kà lua ni anʼé eie, u Ngelexa! Nga-nda kuà ku tula, eie u Ziione, kala xibhata ia kiiala kia nguzu.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Jipoxolo 14:17

Maji mu thembu joso Nzambi ka kambele-phe ku dʼ idikiza kioso Muène kiene, mu mbote iê iene mu kubhanga. Kuma Muène mukua kubhindumuna, ua bhana jinga mvula ku diulu, ni idima kuvula bhu thembu ja tokala, phala mu kale ni kúdia, o muẋima uenu uizale ni kusanguluka.

Matendelelu 11:14

Eme-phe oxi ienu ngenda ni ku i bhana o mvula ioso iatokala bhu thembu iê; ngi bhana o mvula ia dianga ia isanga bhu kudinji, hé ngi kaielesa ue ia sukidila-ku ia kungulula musoke, phala mu mune idima, ni masa, ni vinhu ia uisu, ni maji-mê.

Matendelelu 28:12

Jihova ua-nda ku ku jikuila o dibhakelu diê, dia mbote, o diulu, phala diende ni kubhana o mvula ku mavu mé bhu thembu iatokala; anga Jihova muene uzediuisa o ikalakalu ia maku mé. Eie-phe, ua-nda sobhesa miji ia athu avulu, maji eie nuka ua-nda kusobha kima.

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.

Filipe 3:1

Mu kubhana o mahezu-phe, phange jami, nga mi ambela kuila Ngana a mi bhane kusanguluka kua soko. O mu ku mi sonekena o maka ene amoxi, eme ki kia ngi kumu, mbata, phalʼ enu kukondama.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!