Jouele 2:21 - O Mikanda Ikola

²¹ Eie-phe, u ixi, kana ku kala ni uoma; tana u sanguluke muene, kuma Jihova ua bhange ima ionéne!

Jouele 2:21 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Jisálamu 98:8

Jihonga ji bhabhe kibhûbhu; o milundu ue i tele kumoxi o nzongo iâ ia kutana.

Izaía 35:1

Ni kikangalakata ni ididi ia kukuta ia kà sangulukila kienhiki; dinhana dia kà tana, anga ditulula kala diloza.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Izaía 55:12

Mbata enu mua kà katuka ni kusanguluka, anga a kà mi endesa ni uembu; o milundu iònene ni iòfele ia kà dikola ni kutana bhu pholo ienu, o miẋi ioso ku mukáu ia kà bhabha jimbanda;

Jelemiia 33:3

Dikole kokuami, nda eme ngi ku vutuile ni ngi ku tudile jimene ja ima ionéne, ia kuata ia kolo, i ua kambiʼeie kuijiia.

Hozeia 2:21

Kia kà bhita-phe mu kizuuʼokio, kuma eme nga kʼevua, eme ngi Jihova, nga kʼevua o maúlu anga ngʼa vutuila, ene ue a kʼevua kioso kiendi o ixi.

Jouele 2:20

Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!

Jouele 2:26

Hé mua kà dia ima ia ndumba anga muikuta, ni mu kale mù ximana dijina dia Jihova Nzambi ienu, ua mi bhangela ima ia madiuanu kala iii; kieneʼokio mundu uami ka kà kala dingi ni sonhi.

Zakadiia 8:15

kiene ue ki nga xinganeka lua mukuâ o kubhanga mbote kua Jeluzaleme ni ku dibhata dia Juda mu izuua muenhumu. Ki mu kale-phe ni uoma.

Matendelelu 4:32

O kiki-phe se kia ku jinganena, ibhula hanji ku jithembu ja makulu ni makombe a ku diangela, tunde kiá Nzambi kia bhanga o muthu kʼulu dia mundu, tunde kua tundu o ngongo ʼté ku ia suku, kienhiki se a ki muene kiá, mba a kʼivile kiá ni mátui exi, kuabhitile kima kia kidiuanu kala kiki?

I Samuuele 12:16

Kiki-phe imanenu, mu mone madiuanu ma-nda kubhanga Jihova ku mesu menu. Bhu kumbiʼabha manhi ki kixibhu, thembu ia kubhongolola tiliku?

I Samuuele 12:24

Kima kimoxi ngó: kolokotenu kukala ni uoma ua Jihova, mu mu bhikile mu kidi ni muẋima uenu uoso; endenu ni kuxinganeka jinga o ima ia makota ia mi bhange muene.