Jouele 2:20 - O Mikanda Ikola

²⁰ Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!

Jouele 2:20 ပူးပေါင်းရင်းမြစ်များ

II Jisobha 8:13

Kuala Hazaiele: Mubhikʼé, ngana, kima kiahi, muene ua sokelʼé ngó ni ímbua, u tena kubhanga ima ia makotʼoio? O Ilizeu-phe, uixi: Jihova ua ngi londekeza na-kiu kiá, kuila eie ua-ndu kala u sobha ia Sídia.

Jisálamu 126:3

Jihova ua tu bhange muene ima ia makota, ia madiuanu;

Makatukilu 10:19

Jihova anga u lungulula o kitembu, hé ku bhuka kitembu kia nguzu kia mubolokela-kumbi kizangula o kihoho, anga ki ki takula mu Kalunga Kakusuka; ni dihoho ngó dimoxi ki dia xala mʼoxi ioso ia Ijitu.

Makatukilu 8:14

Anga a a bhongolola jimvumbu-jimvumbu; ixi ioso anga i nuha kibuzu.

Izaía 34:3

O imbi iâ ibhinga ku i texe-texe ngó mu kanga, anga o mikutu iâ ikuata kunuha kibuzu; o milundu ià kʼèzala ni manhinga mâ.

Izekiiele 47:18

O mbambe ia mutundila-kumbi, bhu kaxi ni Haulane, ni Damasku ni Ngiliade, mʼoxi ia Izalaiele, i kala kiá o ngiji ia Njolodá iene; tundé kiá bhua sukila o mbambe ku mutundila-kumbi.

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Zakadiia 14:8

Mu kizuuʼomo-phe, kia kà bhita kuila mu Jeluzaleme mua kà fuáfua ngiji ia menha ma di sanze, ma kà kungulukila mbandu ku musanza ua kalunga ku mutundila kumbi, o mbandu ia mukuá i kungulukila ku musanza ua kalunga ku mutudila-kumbi; O kienhiki kiene ki kia kà kala, ni bhu mvula ni bhu kixibhu a kunguluka jinga.

Malakiia 3:11

Mukonda dienu, ngi bazela kabamba uene mu kujeja, phala ki ka mi dile idima iaʼxi ienu; o muvide uenu mu mábhia ki u seluka ni ukambe kuima; Jihova dia Ifuẋi ua ki tange.

Matendelelu 11:24

Kididi kioso kiá ki diata o kànda dienu dia kinama, kikala kiá kienu; tunde kiá ku kikangalakataʼoko ni ku Libano, tunde ku honga ia Eufalate, katé ku musanza ua luiji ku mbandu ia mufuila-kumbi iene kiá ikala o mbambe ienu.