Jouele 2:2 - O Mikanda Ikola

² Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Jouele 2:2 ပူးပေါင်းရင်းမြစ်များ

Jisálamu 10:6

Ku muẋima uê, uamba kuma: O bhabha ka tena dingi ku ngi sendumuna-bhu; nga tungu muene, ki ngi bhindama dingi, lémbue!

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Makatukilu 10:14

Kihoho anga ki bhita mʼoxi ioso ia Ijitu, ki tula katé mu jimbámbe jê joso; kia vudila-ku kinéne kuma mʼokulu nuka kuejile kihoho kala kiki, o ku hádia ue nuka kia kèza-ku dingi.

Makatukilu 10:6

Ni mu jinzu jé mu izala, ni mu jinzu joso ja akua mbèle ié, ni mu jinzu ja akua Ijitu oso; ki bhinga ni jitata jenu ni jikuku nuka a ki muene ki kala kiki, tundé kizuua kia bhanga athu mu ngongo, katé kizuua kia lelu. Anga u lunguluka, u tunda bhu pholo ia Falaó.

Makatukilu 20:21

O mundu anga emana dikanga, Mozé ngó ua zukama ku kitombe kia xiti, bhuala Nzambi.

Izaía 5:30

A kà a tela nzôngo bhu kizuua kieneʼokio, kala kinuminu kia menha a kalunga, se bhu kala muthu u tala mu kanga, ua kà mona ngó kuvunda, ni mukondo; o mukengeji ua kà biluka kitombe mu jingundu jâ.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jelemiia 13:6

Kia bhiti-phe kuma, ki bhua zubha kubhita izuua ia vulu, Jihova ua ngambela uixi: Balumuka, ndé ku Ufalate u takane-ku o phonda i nga ku tumine kuila sueka-iu koko.

Kuditenda 1:12

Enu kifua ki kia mi kate, enu muala ku bhita mu kikoka? Ilenu hanji suii mu mone, mba sai-ku dilâmba kala o diami, dia ngʼiza ku handuʼidi; o dilâmbva dia ngi bhondeleka na-diu Jihova, bhu kizuua kia uamene o njinda iê.

Izekiiele 32:7

Kioso eme ki nga-nda ku ku jimuna, o diulu nga kà di vungina, o jithéthembua jê nga kà ji vungina ni dituta, o mbeji ki ia kʼèhela mukengeji uê ku muika.

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Izekiiele 38:9

Kienhokio-phe, ua kà banda, hé ua kʼèza kala kibhungu, anga ua kà di bhanga kala dituta phala kuvungina o ngongo, ni eie ni masoladiʼé oso, ni ifuẋi ia vulu ia ku bande.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Daniiele 9:12

Muene iu ua kumbidila o kizuelu kiê kia tu kanena na-kiu etu, kumoxi ni afundixi etu, a tu tetuluila jinga o milonga, iu ua bheka o jingongo ja vula kiki ku thandu dietu, ja bhingi kuila o kiki kia bhiti mu Jeluzaleme nuka kiʼa bhitile kuoso-kuoso bhoxi dia diuluʼabha.

Jouele 1:6

Mbata mʼoxi ietu mua tomboloka muiji uengi, ua nguzu, o kuvula kuê ki u xikina ku u tanga; u kala ni mazu kala mazu a hoji, o jinganzuánzua jala na-ju mukuâ ni hoji ia ndumbe ia kuka.

Jouele 2:25

Mivu ioso ia mi jikinisa kihoho, ni kabôtua, ni kajeja ni thothola, kifuẋi kiami kia dikota ki nga mi tumikisine mu ku mi lua enu, eme ngi mi vutuila-iu.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Jouele 2:5

Kinuminu kiê mukuâ ni makalu a muia ni kutuka-tuka ni lusolo bhu thala ia milundu; kia kà di fuangana mukuâ ni kinuminu kia milengu ia túbhia tua mu jikinisa ibhiate, kala kifuẋi kia nguzu, a ki tumina ku bokona mu ita.

Jouele 3:4

Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Sofoniia 1:7

Eie-phe ximbakata bhu pholo ia Jihova Nzambi ié, kuma kizuua kia Jihova kia zukama. Mukonda Jihova ua iudika kiá o sata iê, iú ua zelesa asonhi oso a exana kuala muene.

Zakadiia 14:6

Anga kia kà bhita-phe kuila, bhu kizuuʼokio, ki kuá kala dingi mukengeji, maji mbàmbi ngó ni menha a di kuata matadi.

Matesu 24:21

Kuma thembu ioio o phaxi iê, kiluua ngó i kala-ku, tunde ku dimatekenu diaʼxi katé ni kiki; o ku hádia ue ki ia kà kala-ku dingi.

Marku 13:19

Kuma izuuʼoio kua kala divuua dia dikota, kiluua ngo di kala-ku tunde ku dimatekenu dia Nzambi kukalakala ima ioso kate lelu; ne ku hadia ki di moneka luiadi!

Matendelelu 32:7

Uenda ni kulembalala jinga o izuua ia xahulu, Uxinganeka jinga o mivu ia miji ni miji ia kexile-ku iná; se kua kʼijiia, ibhula tatʼenu, muene a ku kundile-mu; se kia ku jimbi ibhula adiakimi, ene a-nda ku ku jimbuila-kiu!

Jihebeleu 12:18

Mbata enu ki mu eza, kala ki ejiie o mundu ua Izalaiele, bhua zukama ni kima kiẋikina ku ki babata kala o mulundu ua Sinai, ua uama tubhia, ni kuvunda kuê, ni usuku-ua-nzumba, ni kufuafua dixi,

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Dijingunuinu 9:2

Anga muène théthembua u jikula mu dikungu dia mukiukuluku, anga mu dikungu mu fuafua dixi kala dixi dia dijiku dia dikota. Ni ku dikumbi, ni kuma kuoso, anga ku vunda mukonda dia dixi dia dikungu.