Jouele 2:19 - O Mikanda Ikola

¹⁹ Jihova ua kà tangela mundu uê, ua kà kumbulula, uixi: Talesa-ze, ngi mi tumikisa tiliku, ni vinhu ia ubhe ni maji, ima iosuʼiii ia kà mi kuma; ki ngà mi bhana dingi ku lusebhu mu kaxi ka akua jixi.

Jouele 2:19 ပူးပေါင်းရင်းမြစ်များ

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Izekiiele 34:29

Anga nga kà ji kunina kidima kia dijina, ki mungu dingi ja kà fua ku nzala mu tumbu ni ngongo, mba ue ja kà kala dingi ni môndo ua akua matumbu ku thandu diâ.

Izekiiele 36:15

Anga ngi bhangesa kuila momuʼé ki mungu dingi evua-mu akua matumbu kuta muôndo; o malebhu a ifuẋi kuanda ku ambata dingi ku thandu dié, mba ue u zubha dingi o tuana tua akua muiji ué-emuène, Jihova Nzambi ua ki tange.

Izekiiele 36:29

Kienhókio nga kà mi kula ku maufusa menu moso; hé nga kʼèxana o kúdia ni ngi ku sokolola, ki mungu dingi mu kala ni nzala ku thandu dienu.

Izekiiele 36:30

O ibundu ia miẋi ue nga kà i sokolola, ni idima i tunda mu mábhia ku mikáu, phala ki mungu dingi mu bonga malebhu a nzala muʼaxaxe ka akua jixi.

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.

Hozeia 2:15

Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Hozeia 2:21

Kia kà bhita-phe mu kizuuʼokio, kuma eme nga kʼevua, eme ngi Jihova, nga kʼevua o maúlu anga ngʼa vutuila, ene ue a kʼevua kioso kiendi o ixi.

Hozeia 2:22

Oxi ue ia kʼevua hé ia kà bhana o masa ni maluvu ni maji; o iá ue a kʼevua nʼa ka bhakuila Jezelele.

Jouele 1:10

Mikáu iòsengulule, oxi ia di suuata; kuma tiliku ia buika, mivide ia kukuta, o maji a kambe.

Jouele 2:24

Bhu mavundilu bhuà kezala ni tiliku, matangi a ku kamena vinhu ia uisu ni maji a kà subhajaka.

Ijila 26:5

O idima ioso i mu bhongolola, o ki mu zubha ku i vunda, muʼila muene o diê anga mu bhiẋila na-iu bhu tembu ia kubhongolola dingi o idima ia mukuá; O mbutu joso ji mu muna mu mábhia, ji bhiẋila muene bhu kudinji bhu tembu ia kukuna dingi o mbutu ja mukuá. O kúdia kuene, mua-nda kudia jinga, anga mu ikuta ni kúdia kua nzungule; mu tunga mu soma mʼoxi ienu.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Matendelelu 11:14

Eme-phe oxi ienu ngenda ni ku i bhana o mvula ioso iatokala bhu thembu iê; ngi bhana o mvula ia dianga ia isanga bhu kudinji, hé ngi kaielesa ue ia sukidila-ku ia kungulula musoke, phala mu mune idima, ni masa, ni vinhu ia uisu, ni maji-mê.

Lute 1:6

Nouemi anga u balumuka ni akaji a anʼê mu kutunda mʼoxi ia Mouabhe nʼa vutukise ko kuâ, kuma uevila mʼoxi ia Mouabhe kuila Jihova ua xinganeka mundu uê, iu ua a bhana kia kúdia.