Jouele 2:17 - O Mikanda Ikola

¹⁷ Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Jouele 2:17 ပူးပေါင်းရင်းမြစ်များ

I Jisobha 6:3

O mbalanda ia inzo bhu muelu ua Tembulu, mu ku i zonga iatenene makuinhi aiadi a kóvado kala kiala o kuzanza kua Tembulu, o kuzanza kuê, iakexile ni kuinhi dia kóvado mu kudisunga dingi ku pholo ia Tembulu.

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

II Malunda 7:20

bheneʼobho-phe eme ue ngi mi vuza mu ixi iami i nga mi bhana, o inzu iii i nga kôlesa mbé dijina diami, nga kà i texi dikanga, mu mesu mami i tundamu, kienʼiki anga kia kà di bhanga Sabhu ni diba dia maka mu kaẋi ka akua jixi joso.

II Malunda 8:12

Bheneʼobho-phe Solomá u bhakula, kua Jihova, jisata ja kuoha, ku thanduʼa Kalatódio ka Jihova, ka tungile mu lumbu bhua lulama ni muelu.

Nehemiia 9:36

O kiki lelu ua tu mono, tuala tu abhika; katé ni mu ixi i ua bhele o jitata jetu, uixi a die-mu o ibundu iê, tuala-mu-phe tu abhika.

Jisálamu 115:2

Phalahi ki bhinga matumbu a kèla, Nzambi iâ iú kuebhi?

Jisálamu 42:10

Môndo uala ku ngi ta o jinguma jami ua di bhange mukua ni xibhata ia mu ngi toma mu ifuba; kioso ki ala ku ngʼila izuua ioso, exi: Nzambi ié ua ku kala kuebhi?

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 42:4

Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisálamu 79:10

Phalahi o matumbu a kala mu kuila, exi: Nzambi iâ iú kuebhi? A vutuile o ditota dia manhinga ma ẋamuna ma jiselevende jé, o matumbu a kʼijiie, etu ue tu ki mone ni mesu.

Jisálamu 79:4

Tua lebhuka kiavulu muʼaxaxi ka akua jixi u tua zukama-nâ; a tu sekalesa, a tu tobhesa, mu madiembu a tu kala mu jimbandu.

Jisálamu 89:41

Oso a bhita njila, a mu bhûnda-bhûnda; ua sebuka bhu pholo ia athu a tungu-nê bhua zukama.

Jisálamu 89:51

Eie muene u Jihova, a ku te mondo, Kuma muthu ué ua mu undu ni maji uala kubonga malebhu.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 37:20

Ki tualʼiki-phe, eie u Jihova, Nzambi ietu, tata, tu kudile ni lukuaku luê; phala mautuminu moso mu ngongo a kʼijiie kuma eiemuene ngó u Ngana.

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Izekiiele 8:16

Anga u ngi bheka dingi mu kimbaka kia moxi kia inzu ia Ngana, mu ku tula-mu nga sange bhu muelu ua Tembulu ia Jihova, bhu kaxi ka lumbu luònene ni Kalatódio, bhuala athu atena makuinhi aiadi ni kitanu, o makunda mâ a ma bhela ku Tembulu ia Jihova, o jipholo a ji lungisa ku mutundila-kumbi; kienʼiki a kala mu kubheza o dikumbi, a telela o jipholo mu thunda.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:9

Mʼonzo ia Jihova o jisata ja makudia ni makunua ja batuka-mu; akuetu jinganga, o jingunza ja Jihova, lamba dia a kuata.

Amoji 7:2

O ki nga mono kuila o iangu ioso a zubha muene ku i dia ku mavu, eme-phe ngambe kiki, ngixi: Jihova, Nzambi, tata, loloka! Kuma o Jakobo ua-nda kubalumuka kiebhi, o muene ua tolo nguzu!

Amoji 7:5

Bheneʼobho-phe eme nga muʼambela, ngixi: Ngana Nzambi, tata, eha hanji! Kuma o Jakobo ua kà balumuka kiebhi, se muene ua tolo, ka moneka nguzu?

Mikeia 7:10

O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.

Malakiia 1:9

Kiki-phe, nga mi diondo, bhingenu kiadi kia Nzambi, kuma muene u kuatela henda; Jihova dia Ifuẋi, uixi: Enu ima ienhiʼii iene i mua bhange ni maku menu, mbé Nzambi u xikina ku mi tambulula?

Dialuilu 25:6

Bhenhobho, bhu kala muthu ku anʼa Izalaiele, u bheka muʼaxaxi ka jiphange jê, muhatu mukua Midiiane, ku mesu muene a Mozé ni ku mesu a kilômbo kioso kia anʼa Izalaiele, kioso kiala kudila bhu muelu ua balaka ia kutakanena.

Matesu 23:35

Phala o manhinga moso ma athu aiuka ma dizunza mu ngongo ni ma kèza ku thandu dienu, tunde ku manhinga ma Abele, o muthu uaiuka, katé ku manhinga ma Zakadiia, monʼa Balakiia, mua mu jibhila bhu kaxi dia kididi kikôla ni kalatódio.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Matendelelu 28:37

Kuabhu-phe, ua kà di bhanga u kidiuanu, uà kà kituka u musoso, ua kà kala u kima kia jingolela muʼaxaxi ka ifuẋi mua-nda kuà ku bheka kuala Jihova.

Matendelelu 32:27

Maji nga kexile ni hele, mukonda dia nzabala ia nguma. Oso a mi kala ni luma avula ku ki mona; a soko-bhu kuila: Lukuaku luetu luene lua ki bhange, Jihova ki muene ua ki bhange ubheka uê.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?