Jouele 2:16 - O Mikanda Ikola

¹⁶ Kifuẋi bhongololenu-kiu kionge zelesenu-kiu, ikulakaji ia kuka a i bhongolole, bhongololenu ue tuana tua ndenge kumoxi ni ia a mu kuámua ku mele; ngaiala a tunde mu xilu diê, o díbhanga di tomboloke mʼonzo ia ubhanga.

Jouele 2:16 ပူးပေါင်းရင်းမြစ်များ

II Malunda 20:13

O Juda ioso-phe kienhokio emana bhu pholo ia Jihova, kumoxi ni tumbonga tuâ ni ahetuʼâ, ni anʼâ.

II Malunda 29:5

U a tangela, uixi: Enu mu jilevita, ngʼivienu. Dizelesienu kindala. Zelesenu ue o inzu ia Jihova, Nzambi ia jitata jenu, o dixidilu katulenu-diu mu kididi kikôla.

II Malunda 30:17

Mukonda kua kexile athu a vulu mu kionge a kambele o ku di zelesa kiene kia bhekelele kuila o Jilevita ene a kexile mu ku jibha o tumbudi tua Phasu phala ió oso a kambele o ku di zelesa, phala a di zelese kua Jihova.

II Malunda 30:19

Eie u Jihova uene o mbote, bhanga diluuluilu ni uoso ua iudika o muẋima uê mu kusota Jihova Nzambi, o Nzambi ia jitata jê, né-mbe ka di zelesa luua o udizeleselu uendi o kididi kié kikôla.

II Malunda 35:6

Nda mu jibhe o kambudi ka Phasu; di zelesienu mu iudike o kambudi ka Phasu phala o jiphange jenu, mu bhange muene kala kiambe o kizuelu kia Jihova, kia bhela kua Mozé.

Jobe 1:5

Jobe anga uia ni kuila, kioso ana oso kia zubha kubhanga o jifesa, u a exana anga u a lumbila kua Ngana; kuma u balumuka mu kimenemene, anga uia mu kubhana jisata ja soko ni diauilu dia ene, mukonda, uixi: Sumba anʼami a te kituxi, a ẋonguena Nzambi ku muẋima uâ. Kienhiki kia kexi mu bhanga jinga Jobe thembu joso.

Jisálamu 19:5

Diene, mu kutunda kuê, kífua muene naʼiala u tunda mu xilu dia ubhanga; di sanguluka muene kala dizonda dia di fiiala kulenga dikanga dia mu xindi.

Makatukilu 19:10

Jihova anga uambela Mozé, uixi: Ndeie ku mundu u a zelese, a di bonze lelu ni mungu, a sukule izuatu iâ.

Makatukilu 19:15

Anga u ambela o kifuẋi, uixi: Mu kala polondo, (mu di iudika) kizuua kia katatu; kana ku di kasanesa ni muhatu.

Makatukilu 19:22

Ni jinganga ue, ene mu zukama kua Jihova, a di zelese, phala Jihova kʼa kuame ni kalunga ka ku a balukila.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Matesu 21:16

Anga a mu ambela, exi: Ua kʼivu kiala mu zuela iá? Jezú uixi: Xi! Enu kiluua mu tanga mu Mikanda kuila: Diximanu diê dia fuama kiengi mu kanu dia anʼandenge ni tuana bhu maku?

Matesu 9:15

Jezú anga u ambela, uixi: Kífua anʼ a sala ia ubhanga a tena kukala ni mukondo kiosuʼ iki ki ala ni nga-iala? Izuua iiʼ iiza-phe, nga-iala a-nda ku a tambula-nê; kiene kiua ki ejiia kujila.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

Josuué 7:13

Balumuka, u zelese o kifuẋi, u a ambele kuila: Di zelesienu, mbé kizúua kia mungu, kuma Jihova, Nzambi ia Izalaiele, uambe kiki: Muala ni kima kiókidike muʼaxaxi kenu, mu Izalaiele; kiene ki mua lembuela kuimana bhu pholo ia jinguma jenu, katé ki mu tubhula o kima kiókidike kiala muʼaxaxi kenu.

Josuué 8:35

Josuué ka xi-ku kizuelu kia kima, ku ima ioso ia tendelela Mozé, nʼa kambe ku ki tanga bhu mesuʼa kionge kioso kia Izalaiele, ni ahatu iá bhobho, ni anandenge, ni jinzuángiza, o idijila eza kutunga muʼaxaxi kâ.

I Samuuele 16:5

Muene uixi: Paze iene; ngeza mu satela Jihova. Di bônzienu, mu ize kumoxi ni eme ku sata. Anga u bonza Jese ni anʼê, anga u a exana ku sata.