Jouele 2:14 - O Mikanda Ikola

¹⁴ Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Jouele 2:14 ပူးပေါင်းရင်းမြစ်များ

II Samuuele 12:22

Muene-phe uixi: Mona kia kexile ku muenhu, ngi fula kúdia, ngi dila, kuma ngambe, ngixi: Nanhi ua kʼijiia mba Jihova u ngi kuatela henda, phala mona a bhuluke?

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 19:4

Mukonda nga fika muene kuma o Ngana ia Nzambi ié uevu maka oso a tange Labesaki, o muthu ió a mu tumikisa kuala ngana iê, o sobha ia Asídia, phala kulebhula Nzambi ia Muenhu ni ku mu kuatesa sonhi ni maka ió a dʼivila muene Jihova dia Nzambi ié; kiki-phe eie sambela kiá ngoho iá oso a subhuka-ku hanji.

Makatukilu 32:30

Kúkia ni kimene Mozé u ambela o mundu, uixi: Enu mua te kituxi kia dikota; kindala kiki, ngi banda dingi kua Jihova, iʼmoxi ngi mu luulula ku thandu dia kituxi kienu ki mua te.

Izaía 65:8

Jihova uambe kiki: Mukuâ ni mu kisaka kia jiʼuva kia sanga-mu o vinhu iobhe, ene kuila, exi: Ku i zange, kuma muenhomo muala kubhanduluka; kiene ue ki nga-nda kubhanga mukonda dia henda ia jiselevende jami, phala ki ngʼa jikinise ene oso.

Jelemiia 18:8

O ki kala o kifuẋiʼokio ki nga kanena, ki biluka kuxa o kuiibha kuâ, kua ngi bhekesa o ku a kanena, eme uami ngi tolola o thulu iami, divuua di nga banzele o ku a bhanga ene, ki ngi di bhange dingi.

Jelemiia 26:13

Kindala-phe iukisenu njila jenu ni ibhangelu ienu, nda muivue dízui dia Jihova, Nzambi ienu, Jihova muene a diele ku phulu ia tange ku mi bhanga enu.

Jelemiia 26:3

Bhu kala ni bhabha sumba a tena kuívua, nʼa bhane dikunda kala muthu ku njila iê ia ibha; nda eme ngi diele ku phulu i nga mu sota ku a bhanga mukonda dia ku ibha kua ibhangelu iâ.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:16

Makúdia, bhu mesuʼetu manhi ka batuka-bhu? Ni kusanguluka ni kutana ue mʼonzo ia Nzambi ietu ki ku batuka-mu?

Jouele 1:9

Mʼonzo ia Jihova o jisata ja makudia ni makunua ja batuka-mu; akuetu jinganga, o jingunza ja Jihova, lamba dia a kuata.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Jona 1:6

Ua mu tumina o naviiu-phe, u bhiẋila bhu mbandu iê, hé u mu ambela uixi: Na Kakilu, ihi ia ku kuata? Ua zekela-hi kiki? Balumuka, u sambele Nzambi ié, sumba Nzambi u tu lembalala phala ki tu di bote muʼalunga.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Ajeu 2:19

Phala mu mone mba mu kitula hanji mu kamba jimbutu, mba muvide, ni mufiku, ni mulomela, ni mudiva, iene ioso i kamba kubhana dingi ibundu iê; maji tunde lelu katé ku pholo nga kà mi zudiuisa muene kia nzungule.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

Josuué 14:12

Kiki-phe, ngi bhane o mulundu iú, uene ua tange Ngana kizuua kienhókio; eie uèvua kizuua kienhókio kia ki tànga, exi: Kuala iiala ia nguzu, anʼa Anake, o jimbonge jâ ja makota, ja bhiti imbaka; imoxi, kuma Jihova ngala-nê bhu mbandu iami, ngi tena ku a kaia, kala kia tànga Jihova.

I Samuuele 6:5

Kienhiki-phe bhangenu idifua ia mabhumbu menu, ni idifua ia tundôndo tuenu kuma jene o jiphuku jala ku mi zangela o ixi; mu bhane o fuma kua Nzambi ia Izalaiele; amoxi se enu mu bhanga kiki, o muene u tebhununa-ku ku kinemenu kia lukuaku luê ku thandu dienu, ni ku thandu dia nzambi ienu, ni ku thandu dia ixi ienu.