Jouele 2:11 - O Mikanda Ikola

¹¹ Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Jouele 2:11 ပူးပေါင်းရင်းမြစ်များ

Jisálamu 18:14

U asa mifula iê, hé u a muanga, nzaji i telajaka katé a bhuuama.

Jisálamu 46:6

Matumbu edile ni ene bulukutu, o ilômbo ioso ia salumukine; maji muene uedi ngó u zuela, ixi ioso ia botomoka!

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Izaía 13:4

Milôlo ia kifuxi ia dʼivisa kiá ku milundu, kala kibulukutu kia mundu uavulu; diene o dízui dia minumango ia jimbanza ni ifuẋi ia di-phopho kiá. Jihova dia Ilômbo Ieta iú bhita ni kukindana o ilômbo ia ita.

Izaía 42:13

Jihova ua-nda kutubhuka mukuâ ni kindanda; ua-nda ku di-ambatesa ni huii kala ki bhanga o dikuenze dieta; u kola, u ta kibulukutu kionéne, anga u tolola o jinguma jê.

Izaía 7:18

Mbata kià kala kiki: Jihova, mu kizuua kiókio, ua kà xika muixi mu kuixana o jihamue, jène kua suku o jihonga ja Ijitu kumoxi ni jinhuki jène mʼoxi ia Asídia.

Jelemiia 25:30

Eie-phe ua kà a zambuila mu upolofeta maka mosoʼama, anga ua tangela, uixi: Tundé ku madimbinza, Jihova ua kà hunza, ua kà bhangesa kuila mbimbi iê a ivua tundé mu dibhata diê di kola; dibhata diê ua kà di hunzila mu kuzoka ni oso a tungu mu ngongo, kala kia ió a mu ta nzôngo ia kusanguluka mu kuvuka jiuva.

Jelemiia 30:7

Ahi Mukonda kizuua kiókio kia kudilá-ku kinéne, katé ki kiala ni mukuá a soko-nê! Thembu iii ia mukondo phala Jakobo; maji-phe ku mukondo uenhó, muene ue a-nda ku mu bhululʼé.

Jelemiia 50:34

Maji-phe o Mukudi uâ, Kindanda; Jihova dia Uombo Ieta; diene o dijina diê, ni kidi kiene o mvunda iâ ua-nda ku i bhânga, phala ixi nʼa i bhane o kunhoha, ni kuzukutisa iá a tungu mu Babilonha.

Izekiiele 22:14

Mbé o muẋima ué uanda kua kà di fikidila muene? Manhi o makuʼé a-nda kua kà kala muene ni nguzu mu makumbi u nga-nda kua kà ta o maka ni eie? Eme ngi Jihova nga ki tange, nga-nda kua kà ki bhanga muene.

Jouele 1:15

Uaué! Kizuuʼokio, tata! Kuma kizuua kia Jihova kia zukama! Kiene kia kèza mukuâ ni disengulukilu di tunda kua Muteni-a-Ioso.

Jouele 1:6

Mbata mʼoxi ietu mua tomboloka muiji uengi, ua nguzu, o kuvula kuê ki u xikina ku u tanga; u kala ni mazu kala mazu a hoji, o jinganzuánzua jala na-ju mukuâ ni hoji ia ndumbe ia kuka.

Jouele 2:1

Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Jouele 2:25

Mivu ioso ia mi jikinisa kihoho, ni kabôtua, ni kajeja ni thothola, kifuẋi kiami kia dikota ki nga mi tumikisine mu ku mi lua enu, eme ngi mi vutuila-iu.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Jouele 3:14

Ifuẋi ni ifuẋi mu dikolo dia kufundisa! Mukonda kizuua kia Jihova kia zukama mu dikôlo dia kufundisa.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Amoji 1:2

Hé uzuela, uixi: Jihova ua kà hunza mu Ziione, ua kà bhela mbimbi iê mu Jeluzaleme; mu kikála mua tungile jinge o tubhila muà kala mukondo, o bhu thala ia mulundu ua Kalumelu bhua kà kukuta.

Amoji 5:18

Kokolo dia ió oso a mu kuinda kumona o kizuua kia Jihova! Kizuua kiki kia Jihova, enu mua ki mesenenaʼhi? Mukonda kia kà kala kizuua kia kitombe, ki kia mukengeji, kana.

Amoji 5:20

Kizuua kia Jihova manhi ki kia kà kala ngó kitombe, o mukengeji lémbue? O kuvunda kuê ki kuene kua kuila muene bui, o kuzela lémbue?

Obadiia 1:15

Mbata o kizuua kia Ngana kia zukama ku thandu dia mundu uoso ua akua jixi jengi; kioso ue ki ua bhanga eie, kiene muene ue kia kà ku vutuila. O futu ia kuiibha kué ku ua bhange, iene ia kà ku vutukila ku thandu dia mútue ué muene.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Dialuilu 24:23

Anga u kuata dingi kifika kiê, uixi: Aiué! Ebhi-phe a kà kala-ku, kizuua Nzambi kia kà bhanga kiki?

I Tesalonika 4:16

Kuma Ngana muene ua kà tuluka ku diulu, ni kutesa nzongo, ni dizui dia kota dia ji-anju, ni koloneta ia Nzambi. Bheniobho o madifundu a fila mu kuxikana Kristu, ene a kà dinga kufukunuka.

Dijingunuinu 18:8

Kienhiki, mu kumbi dimoxi, kua-nda ku mu tulukila o kingûmba kiê kia mabhebhu: Makukata, misusu ni nzala! A kà mu oha mu túbhua katé ua buila. Kuma o Ngana Nzambi, ua mu mu fundisa, ua suina.

Dijingunuinu 6:17

Kuma o kizuua kia dikota kia njinda iâ kia tula! O u tena kuimana-bhu, mukua-hi?