Jouele 2:1 - O Mikanda Ikola

¹ Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Jouele 2:1 ပူးပေါင်းရင်းမြစ်များ

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 87:1

Disesa dié Jihova ua di tungu ku milundu ié iangene.

Makatukilu 10:14

Kihoho anga ki bhita mʼoxi ioso ia Ijitu, ki tula katé mu jimbámbe jê joso; kia vudila-ku kinéne kuma mʼokulu nuka kuejile kihoho kala kiki, o ku hádia ue nuka kia kèza-ku dingi.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 13:9

Talesa-ze kizuua kia Jihova kí kiza, kikôla, ki kuata uoma! Kizuua kia njinda iatemanana, mbé o kusengulula oxi, ni kubuikisa-mu akua-ituxi oso.

Izaía 2:12

Mukonda o kizuua kia Jihova dia Ilômbo Ieta, kuila kieza-bhu, ni mukua ukumbu, ni mukua katènda, ni ió uoso mukua izala, ene-oso a kà a tululula muene.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Jelemiia 16:10

Kia kà kala-phe kiki: O ki uà kèla ua zubha ku a jimbuila maka mosoʼ ama, ene anga a ku ibhula kuamba: Phalahi-phe Jihova u tu xindila divuua dionéne didi? Kikuma kietu kiahi ni kituxi ki tua te kiahi kua Jihova Nzambi ietu?

Jelemiia 16:7

Né-mbe ku a bhana kima bhu lamba, kia ku a konda malamba bhua bhiti o kalunga: mba ngó ku a nuisa ku nganza ia ku bhuisa mukondo kua tata mba kua mama ia uoso-uoso.

Jelemiia 4:5

Bokenu mu Juda, ivisenu mu Jeluzaleme, muila muexi: Xikenu koloneta moxiʼumu! dikodienu ni dizui dia suina, muixi: Bhongolokenu tu bokone mu jimbonge ja nguzu!

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Izekiiele 12:23

Eie-phe ambela-u kiki: O Jihova Nzambi uambe kiki: O iseièngele iii nga-nda ku i bhuisa-ku, ki i kala dingi Sabhu mua Izalaiele; inda ambela-u kuma: O izuua ia bhixila kumoxi ni izuelu ia isukila ioso.

Izekiiele 21:12

Dikole, u kumbe, eie u monʼa muthu, mbata o xibhata iòlunge mu kuzoka ni mundu uami, ni mu kuzoka ni ilamba iene ioso ia Izalaiele, ió a a bhakula ku xibhata kumoxi ni mundu uami; eie-phe di bete ku ditabela.

Izekiiele 30:3

Mukonda o kizuua kia zukama, xi, kia zukama o kizuua kia Jihova, kia mufumbeji kiʼanda kukala kiene o kithangana kia akua matumbu.

Izekiiele 33:3

o muene-phe kia mona o xibhata ia mu kuiza mu ngongo, hé u xika o koloneta nʼa dimune o mundu;

Izekiiele 33:6

Maji-phe, hé o mulangidi u mona o xibhata ia mu kuiza, anga u kamba o kuxika o koloneta, mbé o mundu nʼa dimuke; se o xibhata iza anga iambata muenhu umoxi muʼaxaxe kâ, muthu ió a muʼambata mu ituxi iê, maji o manhinga mê nga kà mʼèbhula bhu lukuaku lua mulangi.

Izekiiele 7:10

Talenu, o kizuua kiki kiabhuʼiki, talenu ki kiza, uíndua ué ua bhixila; o kubhanga ufusa kua sabhuka, o izala ié ia buingita.

Izekiiele 7:12

Kithangana ki kiza, o kizuua kié kia bhixila; uoso u sumba ka sanguluke, o ió u sumbisa ka luuale; mukonda o njinda i uama iala ku thandu dia kifuẋu kiâ kioso.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Daniiele 9:20

O ki nga kuata kuzuela kiki, ni kusamba, ni kufisala kituxi kiami, ni kituxi kia mundu uami ua Izalaiele, ni ku lundulula o musambu uami ua kutoloka bhu pholo ia Jihova, Nzambi iami, nga-lu diondela o mulundu uangene ua Nzambi iami.

Hozeia 5:8

Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Jouele 1:15

Uaué! Kizuuʼokio, tata! Kuma kizuua kia Jihova kia zukama! Kiene kia kèza mukuâ ni disengulukilu di tunda kua Muteni-a-Ioso.

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Jouele 2:15

Xikenu mbungu mu Ziione, jilenu ni kujila ku kôla; kolenu kizuua kia kufula ioso ni ku di fudisa.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Jouele 3:14

Ifuẋi ni ifuẋi mu dikolo dia kufundisa! Mukonda kizuua kia Jihova kia zukama mu dikôlo dia kufundisa.

Jouele 3:17

Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Amoji 5:18

Kokolo dia ió oso a mu kuinda kumona o kizuua kia Jihova! Kizuua kiki kia Jihova, enu mua ki mesenenaʼhi? Mukonda kia kà kala kizuua kia kitombe, ki kia mukengeji, kana.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Obadiia 1:15

Mbata o kizuua kia Ngana kia zukama ku thandu dia mundu uoso ua akua jixi jengi; kioso ue ki ua bhanga eie, kiene muene ue kia kà ku vutuila. O futu ia kuiibha kué ku ua bhange, iene ia kà ku vutukila ku thandu dia mútue ué muene.

Sofoniia 1:14

Kuma kizuua kionéne kia Jihova kia zukama; ku kizuelu kiê, kia-nda kuiza muene lusolo, ki ki kokoloka; bhu kizuua kia Jihova katé ni mazonda a kà di bhana mitendu mukonda dia uoma.

Sofoniia 1:16

Kizuua kia kuxika koloneta ni mitendu ia kumuanga jimbonge jʼonéne ni tuthôndo tua dileka.

Sofoniia 1:7

Eie-phe ximbakata bhu pholo ia Jihova Nzambi ié, kuma kizuua kia Jihova kia zukama. Mukonda Jihova ua iudika kiá o sata iê, iú ua zelesa asonhi oso a exana kuala muene.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Zakadiia 14:1

Tala, kizuua kia Jihova ki kiza, kia kuila ni ioso i uala na-iu ia kà kituka mbole ia ku uana-uana momuʼé.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Dialuilu 10:2

Iudika koloneta jiiadi ja phalata, u ji iudika ni ufunu ua kusula; ji kale ja kuxika mu kuixana kilômbo, ni kuxia kibangu mu kuenda,

Dialuilu 10:3

Ki u ji xika, kilômbo kioso ki bhongoloka kokué, bhu muelu ua balaka ia kutakanena.

I Kolindo 14:8

Se muthu u xika koloneta, anga dizui di kamba kulomboloka, nanhi u manekena kuia ku ita?

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

I Tesalonika 5:2

Mukonda enʼuenu mua kijiia kiambote, kuma o Kizuua kia Ngana, hinu kʼiza kala kiza o muiii mu usuku.

Tiiaku 5:8

Enu uenu kuatenu kinhenge. Kolenu miẋima, mukonda o kuiza kua Ngana kua zukama.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

Dijingunuinu 6:17

Kuma o kizuua kia dikota kia njinda iâ kia tula! O u tena kuimana-bhu, mukua-hi?