Jouele 1:7 - O Mikanda Ikola

⁷ Mivide iami a i sengulula, miẋi iami ia jifiku ka i xi ni ibalabala; ioso muene a i zula ia a i takuila bhoxi; thangu ja indemvuna ja phenzuluka.

Jouele 1:7 ပူးပေါင်းရင်းမြစ်များ

Jisálamu 105:33

Ni mivide iâ, ni mifiku, ua i beta-beta: miẋi ioso mʼoxi iâ, ia bukujuka.

Makatukilu 10:14

Kihoho anga ki bhita mʼoxi ioso ia Ijitu, ki tula katé mu jimbámbe jê joso; kia vudila-ku kinéne kuma mʼokulu nuka kuejile kihoho kala kiki, o ku hádia ue nuka kia kèza-ku dingi.

Makatukilu 10:15

Kuma kiezalesa ixi ioso, mavu oso a kusuka ni ene nguí ni kihoho, anga ki dia o iangu ioso ku mavu, ni ibundu ioso ku miẋi, ni ioso kiá ia subhuka ku matadi a mvula; katé ku miẋi ioso ni ku idima, ni kiangu ngó ki ki xala-ku mʼoxi ioso ia Ijitu, tundé ku mbámbe katé ku mbámbe ia mukuá.

Izaía 24:7

Maluvu ia dila, muvide iù lela; oso a tanene miẋima, kiki ia a di tula mienhu.

Izaía 32:12

Bhua-nda kukala ku di-bunda bhu jithulu, mbé o milenga iâ, mbé o midiva iâ iemi.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Jelemiia 8:13

Nga tange kidi, nga-nda ku a kuata, Eme Jihova. Ki kuala dingi jiúva ku muvide, mba jifiku ku mufiku, o mafe ma lalumuka; katé ni kiná muene ki nga a bhele kia-nda ku a xa.

Hozeia 2:12

O mivide iê ni mifiku iê nga ka i buikisa, ioio iambe muene, uixi: lene o futu iami ia ngi bhana kuala o jisaii jami. Eme-phe nga-nda ku i kitula mixitu, anga iama ia mukáu ia kà i dia.

Jouele 1:12

Mivide ia kukuta, mifiku ia lela, iaxoueta; mulomela ue kiene, kumoxi ni diie ni masiiela; miẋi ioso mu míkáu ia kukuta, ni muʼaxaxe kʼanʼathu ue kusanguluka kua kukuta-mu, kua lengela dikanga.

Amoji 4:9

Nga mi kuama ni kiaúla ni fuluja; o ndumba ni ndumba dia jindombe jenu ni mivide ienu, mifiku ienu ni midivua ienu a i di ku kihoho; maji Jihova uixi: Né kieneʼokio-phe, enu nguenu kudiela ni mu bhiluke kokuami!

Habakuke 3:17

Kuma né-mbe hanji o mufiku ki u tulula, mba ku kala ibundu ku muvide; o ibundu ia mudiva i kala makutu, o mábhia ue a kamba kubhana idima; o jimbudi joso ja kilunga a jʼambata, anga mu ibhanga ioso mu xalʼé ngó sé jingombe;

Malakiia 3:11

Mukonda dienu, ngi bazela kabamba uene mu kujeja, phala ki ka mi dile idima iaʼxi ienu; o muvide uenu mu mábhia ki u seluka ni ukambe kuima; Jihova dia Ifuẋi ua ki tange.