Jouele 1:3 - O Mikanda Ikola

³ O kienhiki tangelenu-kiu anʼenu; o anʼenu a ki tangele ue anʼâ, o iá ua ku muiji ua mukuá!

Jouele 1:3 ပူးပေါင်းရင်းမြစ်များ

Jisálamu 145:4

Muiji umoxi u tanga o ikalakalu ié, muiji uamukuá nʼa ijiie, ni undanda ué u uene mu kubhanga.

Jisálamu 44:1

Etu tua kʼivila jinga mu mátui metu, Ngana Nzambi, jitata jetu ja kexe ku tu tangela o malunda, kioso eie ki ua kalakala jinga mu izuua ia ene, mu izuua ia xahulu.

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.