Jouele 1:20 - O Mikanda Ikola

²⁰ Iama ioso ue mu mikáu i dikola kokué, kuma jingiji ja kukuta; o túbhia tua zubha o sabhelela ioso mu ixi ia kisekele.

Jouele 1:20 ပူးပေါင်းရင်းမြစ်များ

I Jisobha 17:7

Anga ki bhita-phe kuila, ku izuua, kangiji ka uinina, mukonda kienhokio mu ixi ki mua nokene mvula.

I Jisobha 18:5

Bhenhobho Akabe uambela Obadiia, uixi: Bhita mu ixi, u talese mu fixi joso ja menha, ni mu jingiji joso. Sumba tu sanga-mu iangu ia kudikila na-iu o ibhaku, sembele tu bhake o jikabalu ni jimula ku muenhu, phala ki tu kambe ibhaku.

Jobe 38:41

Nanhi mukua ku iudikila o ilombelombe kúdia kuâ, kioso tuana tuâ ki tu di kola kua Nzambi, anga tuia ni kunhungana mukonda dia ku kamba kia kúdia?

Jisálamu 104:21

Jindumbe ja jihoji, mu kusota mbole, anga jenda ni kuzuma, a mu bhinga kúdia kuâ, kua Nzambi.

Jisálamu 145:15

Ko kué kuene kua te mesu ene oso-lolo; eie-phe u a bhana o kudia mu thembu iatokala.

Jisálamu 147:9

Kiama mu iangu muene u ki bhana o kúdia, ni anʼa ilombelombe kioso ki i dikola kua muene.

Jelemiia 14:4

Kuma mavu ma jikujuka, mukonda dia kukamba mvula mu ngongo, o idimakaji a kala ni sonhi, hé aia ni kuvunga milele mu mítue.

Jelemiia 28:8

Jipolofeta ja tu diangelelè-ku, ni eme ni eie, tundé mʼukulu-kulu a zambula jinga ima ia kukanena jixi ja vulu ni mautuminu a makota, ita ni mavuua ni kipheku.

Jouele 1:18

Uívua ibhaku ki idikola! Ibhanga ia jingombe ia tandanganha kuma ki ia mono sabhelela ia kúdia; katé ni ilunga ia jimbudi ue ia jimi mbutu!