Jouele 1:13 - O Mikanda Ikola

¹³ Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:13 ပူးပေါင်းရင်းမြစ်များ

II Samuuele 12:16

Kienhiki Davidi u kala mu diondela o mona ni ku samba kua Nzambi; Davidi anga u fula kúdia, u kala muia mu xilu, ni kuzeka bhoxi usuku uoso, uzuata kidinhaji.

I Jisobha 21:27

Anga ki bhita-phe kuila, kia zubha Akabe kuivua maka iá, u tandujula o izuatu iê, anga u zuata dikuba ku mukutu uê, anga u jila; anga u zeka jinga ni dikuba, ni kuenda ni kutululuka kuoso, ni kudijingununa.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 61:6

Maji enu-phe a kà mʼixana Jinganga ja Jihova, a kà mʼixana Akunji a Nzambi ietu; mua kà dia ku jinzungule ja akua jixi, o mu fuma ia ene enu muene mu mua kà fumanena.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 9:10

Ku milundu ngi tela-ku nzongo ia ku dila, mu ididi i dila o ibhaku mu kikangalakata ngi tela-mu jingololo; kuma mua jikata kiá, u bhita-mu ka moneka dingi; ki muala dingi ku tunda kukoma kua ibhaku; tundé ku jinjila ja bhulu, tulé ku iama, edi o bunganʼéel … ia a lenge-mu!

Izekiiele 21:12

Dikole, u kumbe, eie u monʼa muthu, mbata o xibhata iòlunge mu kuzoka ni mundu uami, ni mu kuzoka ni ilamba iene ioso ia Izalaiele, ió a a bhakula ku xibhata kumoxi ni mundu uami; eie-phe di bete ku ditabela.

Izekiiele 27:31

Hé a kà di ta mabhaia mu mítue mukonda dié-eie, anga a kà di kuta idinhaji bhu inhonga, a kà ku dila muene eie ni lamba dia muenhu uâ, a kà dila muene lujiji.

Izekiiele 7:18

Anga a ka di-kuta jisaku, o kiteketela kia kà a vungina; o ku jipholo joso kua kà kala jisonhi, o mu mítue ioso mabhaia.

Hozeia 9:5

Enu-phe mua-nda kuila kiebhi bhu kizuua kia matunda, ni bhu kizuua kia fesa ia Jihova.

Jouele 2:12

Né mu kindala kienhiki muene, Jihova uixi; Ni muẋima uenu uoso, Vutukenu kokuami; bhangenu-kiu muene ni kujila, ni kudila, ni mukondo.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Dialuilu 28:14

O sata ia mákunua kaxaxi ka hine ka vinhu ku ngombe, mbandu ia katatu ia hine ku kilumbe kia mbudi, mbandu ia kauana ia hine ku mbudi ia muvu umoxi; sata iii, sata ia mbeji ia thethama, jimbeji joso ku muvu kiene.

Dialuilu 28:4

Mbudi imoxi mu i sata mu kimene, mbudi ia mukuá mu i sata mu ngoloxi;

Dialuilu 28:7

Sata iê ia kúnua, mbandu ia kauana ia hine mu mbudi imoxi; ua kà lundulula dikáu didi dia kúnua kua nguzu kua Jihova, bhu kididi kikôla mu lumbu lua balaka.

Dialuilu 29:6

O jisata ja kuoha ja mbeji iathethama jengi, ni sata iê ia mákudia, o sata ia kuoha ia izuua ioso iengi, ni sata iê ia mákudia, ni sata ia mákunua, iamukuá iii ia di bandekeza, iene ioso ni ijiia iê, mu dizumba diambote, ujitu a u bhakula ni túbhia kua Jihova.

I Kolindo 4:1

Etu tua tokala kuila enu mu tu banza kuma tu jingunza ja Kristu, tu imbadi a tu tuika kulonga o kidi kia ijinganu ia Nzambi.

I Kolindo 9:13

Enuʼ enu mua kʼ ijiia kuma akua kusedivila mu Tembulu, a dia ku ima i tunda mu Tembulu. Mua kʼ ijiia ue kuila ni ió emanena o sata ia mu ku oha ku kalatodio, a nomona mbandu iâ ku sata ia ibhaku ia bheka mu kusatela bhu kalatodio.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.