Jouele 1:10 - O Mikanda Ikola

¹⁰ Mikáu iòsengulule, oxi ia di suuata; kuma tiliku ia buika, mivide ia kukuta, o maji a kambe.

Jouele 1:10 ပူးပေါင်းရင်းမြစ်များ

Dimatekenu 4:12

Kioso ki ua kà dima jinga o mavu, ene ka-nda ku ku bhana dingi o nguzu iê; eie ua kà kala u munhungani, u lenga-lenga ngó, u muthu ku moneka kididi mu ngongo.

Izaía 15:6

Kuma o kukamba menha ma Nidime kua dibhange ue kíbhidi; mbata iangu iakukuta kiá, mafe ma lalumuka, kana-ku ngó kathumbi ka buingita.

Izaía 24:11

Hanji kiabhu o vinhu, tuala kuívua mutendu uaʼlamba mu jinzunga; o kutana kuoso kua himbi, o ngalasa moxi iòsondolole-mu.

Izaía 24:7

Maluvu ia dila, muvide iù lela; oso a tanene miẋima, kiki ia a di tula mienhu.

Jelemiia 12:11

A di bhange ngundu muene, o mu ku di suuata kuê di di kola kokuʼami; oxi ioso a i sengulula, mukonda ki muala muthu ua ki kexila ku pholo ni ku ki ta muene ku muẋima.

Jelemiia 12:4

Enu mala! mbambe bhebhi oxi i kuata ku dila kiki, o iangu ioso ku mukáu hé i kuata kuelela kiná? mukonda dia usuéia ua iá a tungu-mu ni iama ni jinjila ji kuata ku buika; mbata ene exi: Muene disukilu dietu ka-nda ku di mona.

Jelemiia 48:33

Mu mukáu ua mbote ua uabha ku kuna idima ni mu ixi ia Mouabhe, o kutonoka ni kusanguluka a ku katula-mu kuma nga bhangesa vinhu kúbhua mu makamenu; jiúva ka-nda ku ji kama dingi ni kutana; o kutana ue kuene ki kua-ndu kala dingi kutana.

Hozeia 4:3

Kienhiki oxi ia-nda kuditenda, ió uoso u tunga-mu u botomoka; katé ni iama ku mukáu, ni jinjila ja bhulu, ni jimbiji ue ja kalunga a kà ji katula-mu.

Hozeia 9:2

Maji ni dizanzu dia kuanekena o tiliku ni ditangi dia kukamena vinhu ki dia kà bhana huta i dikila muthu, o maluvu a ka mi kamba.

Jouele 1:12

Mivide ia kukuta, mifiku ia lela, iaxoueta; mulomela ue kiene, kumoxi ni diie ni masiiela; miẋi ioso mu míkáu ia kukuta, ni muʼaxaxe kʼanʼathu ue kusanguluka kua kukuta-mu, kua lengela dikanga.

Jouele 1:5

Tonenu, enu mu jihôlua, mu dile; kemenu, enuʼoso mu akua kúnua vinhu, mukonda dia vinhu ia uisu; kuma vinhu mu kanu dienu a i katula-mu.

Jouele 2:19

Jihova ua kà tangela mundu uê, ua kà kumbulula, uixi: Talesa-ze, ngi mi tumikisa tiliku, ni vinhu ia ubhe ni maji, ima iosuʼiii ia kà mi kuma; ki ngà mi bhana dingi ku lusebhu mu kaxi ka akua jixi.

Ijila 26:20

Nguzu ienu ienda ni kudibota mu kingoho. Oxi ienu ki ibhana dingi o ima iê iambote, o miẋi i mu phapha ku mavu iseluka, kubhana ibundu, lémbue.

Habakuke 3:17

Kuma né-mbe hanji o mufiku ki u tulula, mba ku kala ibundu ku muvide; o ibundu ia mudiva i kala makutu, o mábhia ue a kamba kubhana idima; o jimbudi joso ja kilunga a jʼambata, anga mu ibhanga ioso mu xalʼé ngó sé jingombe;

Ajeu 1:11

Eme nga bheka hâmba ku thandu a ixi, ni ku milundu, ni ku tiliku ni ku vinhu ia ubhe, ni ku maji, ni ku idima ioso ima ku mavu, ni ku thandu dia athu, ni ku thandu dia iama, ni ku thandu dia ikalakalu ioso ibhanga athu ni maku mâ.

Malakiia 2:3

Mu kienhiki, mbutu ienu ioso nga-nda ku mi dianguila-iu, anga ngi mi uesa jipholo jenu ni ditobe, o ditobe dia izokola ienu anga a kà mi texila kumoxi ni dixidilu dienhódio.