Josuué 9:18 - O Mikanda Ikola

¹⁸ Anʼa Izalaiele-phe, ka tenene kunemeka enhó, mukonda o makota a kionge a a lokela kua Jihova Nzambi ia Izalaiele, ku a bhaka ni muenhu; kienhiki kionge kioso ki kuata ku di ngunguina, exi: Adiakimi azange.

Josuué 9:18 ပူးပေါင်းရင်းမြစ်များ

II Samuuele 21:7

Muenexi anga u xia Mefibozete monʼa Jonata, monʼa Saúlo, mukonda dia mulôko ua Jihova ua bhiti bhu kaẋi ka Davidi ni Jonata, monʼa Saúlo,

Jisálamu 15:4

Muthu uala kifusa muene u mu mona kusekala, maji u ẋila-phe oso akua uoma ua Jihova; o muthu ió ua bhingi, se ua loka kiá, kʼaluluka dingi bhu dimi, né ua di fumbu;

Ndongixi 5:2

O dikanu dié ki di zuela lusolo, mba o muẋima ué u lenguluka kutanga kizuelu kioso-kioso kua Nzambi; mbata Nzambi iú mu diulu, eiʼeie bhoxi; kienhiki, o kioso ki u zuela, maka mé u a fikisa.

Ndongixi 5:6

Dikanu dié ku di ehele ni di bhangesa mukutu ué ku ta kituxi, mba uamba bhu pholo ia anju, uixi: Kuku kutondala; Kuma phalaʼhi u thathamesa Ngana Nzambi, mukonda dia dizuí diéeie, anga ki mu bhekela o kusengulula o kikalakalu kia maku mé-eie?

Ndongixi 9:2

Mu ngongo ima ioso iene imoxi i bhita ku athuʼoso: O ki bhita ku muthu ua iuka, kiene ue ki bhitʼé ku muthu ua ibha; o ki bhita ku muthu uambote ni kua iú ua zele o muẋima, kiene ue ki bhitʼé kua iú ua xidi o muẋima; ki kala iú u bhana o jisata, uixi iú ka bhakula sata; ku tale iú ka xikina ku ta ituxi, uixi iú u ta ituxi; ku tale iú ka xikina kuloka uixi iú mukua kuloka.

Dialuilu 30:3

O muhatu ue, se u ta hasa kua Jihova, anga u di kuta ni kikutu, o muene uala hanji mʼonzo ia tatʼâ, mu undenge uê,

Matendelelu 23:22

Maji se ua kambe kubhana polomesa, ku kalé ni kituxi.

Matendelelu 23:23

Uila jinga hé ua zuela kima mu kanu dié, u ki kumbidila muene anga u ki bhanga; né ujitu ua ku di fikixila u uambe kubhana kua Jihova Nzambi ié; kioso-phe kia tanga o dikanu diê u ki bhanga muene.

Matendelelu 23:24

O kioso ki u kutuka mu mulenga ua mivide ia mukuenu, diá ngó ji-uvua joso jasoko ni nzala ié, katé ki uikuta, u suke; kana kuambata-ku kima mu kinda kié.

Josuué 9:17

Mbata anʼa Izalaiele endele dikanga dia izuua iiadi, o kia katatu-phe a bhixila mu jisanzala ja ene; jisanzala jâ-phe, Ngidiione, ni Kefila, ni Behelote ni Kidiate-Jadimi.

Josuué 9:19

Makota oso ambela kionge kioso, kuila: Enhó etu tua a lokela kiá mu dijina dia Jihova, Nzambi ia Izalaiele; o ki tualʼiki, ki tu tena dingi ku a zambesa.