Josuué 8:6 - O Mikanda Ikola

⁶ Enu mu a eha muene. Ene-phe a-nda kutunda mu ku tu kaia; etu mu kubhanga kiki, kifua tua a sunga katé mu mbonge abhu-mu. Kuma a-nda kuila: Kaienu, ala ku tu lenga dingi; etu-phe tuila muene kala tuala kulenga.

Josuué 8:6 ပူးပေါင်းရင်းမြစ်များ

Makatukilu 14:3

Falaó-phe mu kutala anʼa Izalaiele, ua-nda kuila, uixi: A sukamena, a batukila mu kingalakata, kuma o kikangalakata kia a kondoloka.

Makatukilu 15:9

Kuala o nguma: Ngi kaia, ngi kuata, tu uane o mbole; nga kà a bhanga kia ngi kala ku muxima katé kia kumu; xibhata iami ngi i tomona, o lukuaku luami lua kà a buikisa.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Ndongixi 9:12

Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Josuué 8:5

Eme-phe, ni kifuẋi kioso ki ngala na-kiu, tu zukama muene ku mbonge ku mbandu kunu. Mu kuiza-ku-phe, ene kia-nda kutunda mu ku tu kaia, kala kia diangele kubhanga, etu tuila kala tua-nda kulenga.

Josuué 8:7

Bhenhobho enu-phe muila mu ki mona, mu balumuka bhu kididi bhuoso bhu mua batamena, mu a bhingane mu mbonge, mu i tambule kuma Jihova ua-nda ku mi bhana-iu bhu maku menu.

Afundixi 20:32

Anʼa Bejamí-phe anga amba, exi: A bhi-ku dingi, ala ku tu lenga kiá kala kia bhangele kizuua kia mukuá. Maji anʼa Izalaiele-phe, exi: Tuende ni kusuetuka, mbé ku a sungila mu ikoka, o dibhata diâ a di xie dikanga.