Josuué 8:4 - O Mikanda Ikola

⁴ Anga u a tuma, uixi: Enu-phe mu bhita ku dima dia mbonge, mu i batamena koko; ki muie dikanga; o ku mua batamena mu di lunga muene.

Josuué 8:4 ပူးပေါင်းရင်းမြစ်များ

II Jisobha 7:12

O sobha hé u fundumuka ni usuku, uambela o abhikʼé, uixi: Kindala nga-nda ku mʼijidisa mba kima kiahi kia tu bhange akua Sídia: Ene a kʼijiia muene kiambote kuma etu tuala ni nzala ia ndumba; ene-phe ia a te o ndunge ia kutunda mu kibangu ni kuia mu suama mu iangu, exi: Kioso kia-ndu kuila a tundu mu mbonge, tu a kuata ni muenhu uâ, hé tu bokona kiua mu mbonge.

II Malunda 13:13

Maji-phe Jelobouamu ua a batamena mu mbandu joso phala ku a tukumuisa ku dima; iá edile ene ala ku pholo ia Juda, o ia a suama ala ku dima diâ.

Ndongixi 7:19

O unjimu u beta kubhana o kusuína ku njimu, kuinhi dia nguvulu jʼejidila kúlua ita ji kala mu mbonge imoxi, ndenge.

Ndongixi 9:16

Bhenhobho nga kiambe muene, ngixi: O unjimu kota o nguzu ndenge; sumbala o unjimu ua ngadiama ka u suuile, o maka mê ka mʼevua jinga.

Jipoxolo 23:21

Eie-phe ku a evue. Kuma ku mundu uâ, makuinhi a uana a muthu ndenge, a mu batamena phala ku mu jibha. Ene oso a di kutu ni mulôko ua mázui kuma ka-di, ka-nu, katé kia jibha Phaulu. Kienʼiki ala kia polondo, a kinga ngó o kizuelu kié.

Josuué 8:16

Ni ku ta mitendu ia makota, athu oso-phe ala mu mbonge anga a a kasa, mu kukaia iá a fikisa kulenga; anga aia ni kukaia Josuué, mu mbonge mua xala ngó.

Josuué 8:3

Kala kiki, Josuué anga u balumuka, ni makuenze a ita oso, mu kubanda ku Hai, Josuué angʼu tungula-bhu makuinhi atatu a hulukaji ia mala, indànda ioso, u a sulula mu usuku.

Afundixi 20:29

Izalaiele bhenhobho anga a bhaka athu mu ididi ia kubatamena mu jimbandu ja Sanzala ia Ngibeia.

Afundixi 20:33

Mala oso a Izalaiele anga a balumuka kiua mu ididi iâ, a di ta ku mikalatata bhu Diie dia Bahale; o iá ue akua Izalaiele ala mu batamena mu jimbandu ja mbonge ia Ngibeia, a fusumuka mu ididi iâ mu Kiphenza kia Ngibeia mua kexi.

Afundixi 20:36

Kala kiki anʼa Bejamí a mona kuma abhi-ku. Mbata akua Izalaiele a dianga kuenda ni kuila kala ala kulenga Bejamí, mukonda a dielela akuâ a a bhake mu ididi ia kubatamena mu jimbandu ja mbonge ia Ngibeia.

Afundixi 9:25

Akua Xikeme anga a tuma ingumba, mu batamena ku matala ma milundu, anga a kala mu bhûnda athu oso a bhita mu ikoka. Kienhiki anga bhu kala athu a tuma ku ki tangela Abimeleke.

Afundixi 9:32

Zanguka-phe mu usuku, ni eie ni makuenze oso u uala-nâ, mu a batamene mu mukáu;

I Samuuele 15:2

Eme Jihova dia ifuẋi, uambe kiki: Nga xinganeka o konda ia usuéia ua bhangele Amaleke kua Izalaiele, kioso Amaleke kia bhângele-nê mvunda mu ku mu fudisa o njila mua kexe ma kuendela kioso Izalaiele kia tundile mu Ijito.

I Samuuele 15:5

Saúlo kia bhiẋila bhua zukama ni mbanza ia Amaleke, u a tela athu phala ku a batamena mu honga.