Josuué 8:29 - O Mikanda Ikola

²⁹ Sobha ia Hai anga u mu nhenga mu muẋi, katé mu kumbi dia ngoloxi. Kia tula dikumbi-phe, Josuué u tuma kukatula kimbi kiê mu muẋi, nʼa ki texi bhu muelu ua kimbaka kiê, anga a ta ndumba ia matadi ku thandu diê, í ia xalela katé mu kizuua kia lelu.

Josuué 8:29 ပူးပေါင်းရင်းမြစ်များ

II Samuuele 18:17

Anga a katula Abisalone, a mu takula mu dikungu mu ditutu, a mu longekela lumu ia matadi ku thandu diê. Akua Izalaiele oso-phe anga a muangana kala muthu ku bhata diê.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Jisálamu 107:40

Anʼa jingana u a lunduluila kabaxa, anga u a bhangesa kubungana, mu kikangalakata mua kambe o njila.

Jisálamu 110:5

Ngana ua ku imanena ku mbandu ié ia madilu, muene u kuama o jisobha, bhu kizuua kia njinda iê,

Nzuá 19:31

Jijudé, phala o imbi ki i xale ku makulusu kia Sábhalu, (mukonda kizuuʼ iki, kizuua kia Sesa, kia ku di iudika, o ki kúkia Sábhalu ia dikota) a bhinga Pilatu a a bukujule o inama, a a katuleku.

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Josuué 10:30

Jihova u mu bhakula ue bhu lukuaku lua Izalaiele, ni diembu ni sobha iê, iu ua mu bhitisa ku mazu a xibhata ni atu oso a kexi-mu; ka xisa-ku kama ka subhuka; o sobha iê ua mu bhange kala kia bhange sobha ia Jedikó.

Josuué 10:33

Holane-phe, sobha ia Ngezele, ubanda mu kuatekesa Lakiji; Josuué-phe ua mu nemeka, ni muene ni kifuẋi kiê, ka mu xila-bhu muthu.

Josuué 12:9

Moxi kiá, sobha ia Jedikó; mukuá o sobha ia Hai, bhu mbandu ia Betele;

Josuué 7:26

Ku thandu diê anga a lunjika-ku ndumba ia dikota ia matadi. Katé ni lelu iá bhobho. Jihova anga u bateka kiua njinda iê. Kiene kia bhangesa o kididi kiókio ku kʼixana exi, Honga ia Akole, katé mu kizuua kia lelu.

Josuué 8:23

Sobha ia Hai-phe a mu kuata ni muenhu uê, a mu bheka kua Josuué.