Josuué 8:23 - O Mikanda Ikola

²³ Sobha ia Hai-phe a mu kuata ni muenhu uê, a mu bheka kua Josuué.

Josuué 8:23 ပူးပေါင်းရင်းမြစ်များ

Josuué 10:17

Anga a ki tangela Josuué, exi: Jisobha jitanu a ji sange mu dibânda mu ja suama, bhu Makeda.

Josuué 10:22

Kuala Josuué: Kiki kiá, jikulenu dibânda, mu ngi bhekele bhabha o jisobha jitanuʼojo jala-mu.

Josuué 8:22

Ió ue a tunda mu mbonge a a kondela kuema; kifua Izalaiele ua a te mukonda, akua Hai ala mu kaẋi; anga a a nemeka, ki bhuala muthu ua subhuka, ki kuala ua lenge.

Josuué 8:24

O kiedi akua Izalaiele a zubha kiá kujibha akua Hai oso ala ku mukáu, ni iá a lengela mu kikangalakata aia ni ku a kaia, katé ene oso a a buidisa muene ku mazu a xibhata, buí; Izalaiele ioso a vutuka mu mbonge ia Hai, oso ala-mu a a buidisa ue ku mazu a xibhata.

Josuué 8:29

Sobha ia Hai anga u mu nhenga mu muẋi, katé mu kumbi dia ngoloxi. Kia tula dikumbi-phe, Josuué u tuma kukatula kimbi kiê mu muẋi, nʼa ki texi bhu muelu ua kimbaka kiê, anga a ta ndumba ia matadi ku thandu diê, í ia xalela katé mu kizuua kia lelu.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

I Samuuele 15:8

Anga u kuata Akake sobha ia akua Amaleke, u mu kuika ni muenhu; maji mundu uoso ua u buikisa ku mazu a xibhata.