Josuué 8:20 - O Mikanda Ikola

²⁰ Akua Hai kiedi a sakuka kuema, dibhata diâ diala kutuka dixi, o dixi diê diala kubanda ku diulu, ni kua ku lengela dingi ka mono-ko; kifuẋi kia di bhangesele kulengela mu kikangalakata, anga ki lunguluka mu kubhânga ni iá a kexi ku a kaia.

Josuué 8:20 ပူးပေါင်းရင်းမြစ်များ

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Jobe 11:20

Maji-phe o isuéia, mesu mâ ma kà zonda; disuamu diâ ki dia kà moneka; kudielela kuâ, kua kà kala ngoho o kúfua kuene.

Jisálamu 76:5

Athu a kexile ni muẋima ua suína, a toloka, o ima ioso a a tambula-iu; u sanga ene oso a zeka ni ene hudí, aii kilu kia mbala-maminhu; o ilôlo ia ita, maku mâ kala dingi ni nguzu ia ku di bhângela.

Izaía 34:10

Ni mu muanha ni mʼusuku ki ia kà jima; o dixi diê di banda jinga katé ku hádia ni hádia; ku tunda muiji kuiza muiji ni ku i buikisa; ku tunda mivu kuiza mivu nuka mua kà bhita dingi muthu.

Josuué 8:19

Bhenhobho, a suama anga a balumuka ni lusolo, bhu kididi bhuoso bhua batamenene, edi a mu mona ua sunununa lukuaku, a lenga hé a bhingana mu mbonge, a i tambula; kindala anga a i ta mu túbhia.

Josuué 8:21

Kuma Josuué ni Izalaiele ioso, kia zubha kumona akuâ a suamene abhingana kiá mu mbonge, dixi diê di banda, a lungulukila kiá akua Hai, hé a kuata ku a jibha-jibha.

Dijingunuinu 18:9

O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.

Dijingunuinu 19:3

Anga ela lua kaiadi, exi: Ximanenu Nzambi! O dixi dia kuuama kua mbanzʼoio ia dikota, dià kala mu banda katé ku hàdia ni hàdia!

Afundixi 20:38

Akua Izalaiele, ni iá a kexi mu ididi ia kubatamena, a di bhele kijimbuete, kia kuxikitisa dituta dia dikota dia dixi mu dibhata.

Afundixi 20:40

Maji kioso-phe kia mateka dituta kubanda mu dibhata, dixi diemana kala philadi, akua Bejamí kia sakuka kuema a mona dibhata diâ diala mu tuka dixi dia bhixila katé mu diulu.

Afundixi 20:41

Akua Izalaiele-phe aluluka, akua Bejamí anga a diuana, kuma a mono divuua dia a tula!