Josuué 8:2 - O Mikanda Ikola

² Ni Hai ni sobha iê, ua kà a bhanga kala ki ua bhànga Jedikó ni sobha iê; Inda o kiki-phe imbamba iê i mua-nda kubhûnda-mu, ni ibhaku iê, i kale kiá mbole ienu, mu i tambula kiá enʼuenu. U tuma athu kubatamena ku dima dia mbonge.

Josuué 8:2 ပူးပေါင်းရင်းမြစ်များ

II Malunda 13:13

Maji-phe Jelobouamu ua a batamena mu mbandu joso phala ku a tukumuisa ku dima; iá edile ene ala ku pholo ia Juda, o ia a suama ala ku dima diâ.

II Malunda 20:22

O kithangana kiandeka ene ni kutana ni kuximana, Jihova ua te madibatamenu a kubatamena anʼa Amone, ni anʼa Mouabhi ni akua milundu ia Seíle eza mu kúlua ni Juda, anga a a tolola.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Jisabhu 28:20

Muthu u kala ni kitongola, hinu u bonga mabesá ma nzungule; maji uoso-phe u di sukila kuta jimbongo mu lusolo, kindala u bonga milonga.

Jelemiia 17:11

Mukua ni nguadi uongeka maiaki, sè ku ma langela; kiene ue ki kala o muthu u bhongolola jimbongo, ja tambula ngó kioso-kioso; o kia bhixila mu kaxi ka izuua iê u ji xa, o ku dizubhilu diê u kituka kioua.

Jelemiia 51:12

Olekenu dibandela ku thandu dia imbaka ia Babilonha, kilangidilu ki kole, tenu alangidi, iudikenu mibhetu; mukonda Jihova ua xinganeka iú ua bhange kala kiambele ku mbandu ia iá a tungu mu Babilonha.

Matendelelu 2:35

Tuaxala ngó ni ibhaku, tuexi iii mbole ietu, ni ima ioso i tua bhûndu mu jimbonge ji tua tolola.

Matendelelu 20:14

Mu xa ngoho ahatu, ni tuana tua ndenge, ni ibhaku; ima ioso i u sanga mu diembuʼomo, umvuama uâ uene uoso, u kale mbole ienu; sembele mu die-ku ku mbole ia jinguma jenu, ji mi bhana kuala Jihova Nzambi ienu.

Matendelelu 3:2

Jihova phe u ngʼambela, uixi: Ku kale ni uoma; mbata nga mu bhakula bhu lukuaku lué ni muene ni mundu uê uoso ni oxi iê. Kioso ki ua bhange Sihone, sobha ia Mamodi, ua kexi mu Hezebone, kiene ue ki u mu bhanga muene.

Josuué 10:1

Anga kibhita-phe kuila, kia kʼivua Adonizedeke, sobha ia Jeluzaleme, kuma Josuué ua tolola Hai iú ua mu jikinisa taka-taká, kuma Hai ni sobha iê ua a bhange kala kia bhange kua Jedikó ni sobha iê, luamukuá ue akua Ngibiione exi a bhange paze ni anʼa Izalaiele, iá ala kiá muʼaxaxi-kâ,

Josuué 10:28

Mu kizuua kienhókio Josuué u tolola Makeda, oso ala-mu u a bhitisa ku mazu a xibhata; sobha ua mu jimisa mbutu, ni muene ni mienhu ioso iakexi-mu; ka xisa-mu kama ka subhuka; o sobha ia Makeda ua mu bhange kala kia bhangele sobha ia Jedikó.

Josuué 11:14

O madibhundila oso-phe a tundu mu jisanzala josuʼiji, ni ibhaku, anʼa Izalaiele a i bhûndu ni i kala iâ-ene; athu ene ngó a buikisa ku mazu a xibhata; ka xisa-ku muthu ni muenhu.

Josuué 6:21

Anga a buikisa mienhu ioso mu mbongiʼomo, ni mala ni ahatu, ni anandenge ni tukulakaji, ni jingombe, ni jimbudi, ni jibulu; iene ioso buí, ku mazu a xibhata.

Josuué 8:12

Anga u katula kibuka ki tokala midi jitanu, u a sueka, mu kubatamena, bhu kaẋi ka Betele ni Hai, ku mbandu ia mbonge ku luiji.

Josuué 8:14

Kia zubha kubhanga kiki, sobha ia Hai u ki mona, anga a di meneka, akua mbonge, a tunda lusolo mu kúlua ni Izalaiele, ni muene sobha ni kifuẋi kiê kioso, bhu kithangana kiene kia xindi, ku sámbua dia dikôlo. Muene-phe ka kʼijiia kuila sai-ku dingi athu a mu batamena ku dima dia mbonge.

Josuué 8:19

Bhenhobho, a suama anga a balumuka ni lusolo, bhu kididi bhuoso bhua batamenene, edi a mu mona ua sunununa lukuaku, a lenga hé a bhingana mu mbonge, a i tambula; kindala anga a i ta mu túbhia.

Josuué 8:24

O kiedi akua Izalaiele a zubha kiá kujibha akua Hai oso ala ku mukáu, ni iá a lengela mu kikangalakata aia ni ku a kaia, katé ene oso a a buidisa muene ku mazu a xibhata, buí; Izalaiele ioso a vutuka mu mbonge ia Hai, oso ala-mu a a buidisa ue ku mazu a xibhata.

Josuué 8:3

Kala kiki, Josuué anga u balumuka, ni makuenze a ita oso, mu kubanda ku Hai, Josuué angʼu tungula-bhu makuinhi atatu a hulukaji ia mala, indànda ioso, u a sulula mu usuku.

Josuué 8:7

Bhenhobho enu-phe muila mu ki mona, mu balumuka bhu kididi bhuoso bhu mua batamena, mu a bhingane mu mbonge, mu i tambule kuma Jihova ua-nda ku mi bhana-iu bhu maku menu.

Josuué 8:8

Mbonge-phe hé mua i kuata, mu i ta túbhia; kabasa kizuelu kia tundu kua Jihova, kiene ki mu kaiela; alukenu-phe, eme nga mi tumuʼó.

Josuué 8:9

Josuué anga u a sulula; ene enda usuku, anga a batamena bhu kaẋi ka Betele ni Hai, ku mbandu ia Hai ia luiji; usuku uoso uenhó-phe, Josuué ua mu bhuila mu kaẋi ka kifuẋi.

Josuué 9:3

O akua bhata mu Ngibiione, kievu kioso Josuué kia bhange ni mu Jedikó ni mu Hai,