9 Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?
Kala kia fumana o dijina dié, Ngana Nzambi, kiene ue kiende o diximanu dié, katé ku maẋokololo a jixi; o lukuaku lué lua kúdia, luezala kubatula kua kidi.
Phalahi akua Ijitu enda ni kuila, exi: Muene ua a katula phala ku a bhanga kiaiibha, mbé ku a jibhila mu milundu, ni ku a jimisa o mbutu mu ngongo? Bhomba muxima, u bateke njinda ié ia uama, u diele ku kaxtiku koso ku uambe kubhana o mundu ué.
O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.
Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?
O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.
Mukonda kia-nda kubhangesa-phe, akua-jixi, ku ua tu takanʼoko, enda ni kuzuela, exi: Jihova ua lémbua ku a bhiẋidisa mʼoxi ia a tangelele, mbe muene ue ua di-kumu-nâ, iú ua a takana kunu phala ku a jibhila mu kikangalakata.