Josuué 7:6 - O Mikanda Ikola

⁶ Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

Josuué 7:6 ပူးပေါင်းရင်းမြစ်များ

Dimatekenu 37:29

Lubene kia vutukila bhu dikungu, u sanga Zuze kala-mu dingi mu dikungu; bhenhobho u tandujula izuatu iê.

Dimatekenu 37:34

Jakobo anga u tandujula izuatu iê, u di ta kidinhaji mu mbunda (malombo), u kala mu dila monʼê mu izuua iavulu.

II Samuuele 1:11

Bhenhobho Davidi u kuata ku izuatu iê, u i tandujula; ni mala oso aia-nê kumoxi kiene.

II Samuuele 1:12

Anga a bhanga kibulukutu, a ta jingololo ni kudila, a fula kudia katé mu ngoloxi, mukonda dia Saúlo, ni mukonda dia Jonata monʼê, ni mukonda dia mundu uangene ua Jihova, ni dibhata dia Izalaiele, mbata a dibhale ku mazu a xibhata.

II Samuuele 1:2

mu kizuua kia katatu bhu tula muthu ua tundu mu kilômbo kia Saúlo, ni izuatu iê ia tandujuka ni mavu a di kuu mu mútue; o kia zubha kubhiẋila bhua Davidi, u di takuila mu mavu anga u diunda.

II Samuuele 12:16

Kienhiki Davidi u kala mu diondela o mona ni ku samba kua Nzambi; Davidi anga u fula kúdia, u kala muia mu xilu, ni kuzeka bhoxi usuku uoso, uzuata kidinhaji.

II Samuuele 13:19

Tamala anga u di ta utoka mu mútue, u tandujula kizuatu kiê kialebha maku, u ta maku mê mu mútue, hé u bhita mu luua ni kudila ni kudikola.

II Samuuele 13:31

Bhenhobho sobha Davidi u balumuka, hé u tandujula o izuatu iê, u di takula mu mavu; akua mbèle iê ene oso anga a mu imanena ue ni izuatu iâ ia tandujuka.

II Jisobha 22:11

Hé ki bhita-phe kuila, o sobha kioso kia zubha kuívua o maka a divulu dia Kitumu, ua tandula izuatu iê.

II Malunda 34:19

Anga ki bhita-phe kuila o sobha kioso kievu o maka ma kitumu, u tandula o izuatu iê.

Ejidala 10:1

Kioso Ejidala kia mu samba kiki, ni kufisala kuku, ni kudila, ua dizale bhoxi ku pholo ia inzu ia Nzambi, a di bongoluela kua muene, kionge kia dikota kia anʼa Izalaiele kia mala ni ahatu ni tuana tua ndenge mukonda mundu ua kexile mu ku dila ni kibulukutu kia dikota.

Nehemiia 9:1

Anga anʼa Izalaiele a di bhongolola mu kizuua kia makuinhi aiadi nʼiuana ni kujila ni makuba ma zuata, ni mavu ma di takela mu mítue.

Estere 4:1

Kiki-phe Moledekai kioso kia zubha ku kʼijiia kioso kia bhiti, ua tandujula izuatu iê, u di ta mu kidinhaji ni utôkua, anga u bhita mu nzunga ia mbonge ni kudikola ni jingololo.

Estere 4:3

Ni ku jisengu joso, kia tula o kitumu kia muenexʼiki ni ngonge iê, ku kala kudila kuavulu ku jijudé, a ta ndômbe, a fula kúdia hé akala mu jila, kisoxi ki vula, a ta mbûndu, amoximu avulu muene a zeka mu kidinhaji ni utôkua.

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Jobe 2:12

Ene kia zambula mesu mu kanga phala ku mu tala, ia a mono kuma a lémbua ku mu ijiia, a te jingololo ni kudila. Bhenhobho kala muthu u tandula thanga iê hé u di takuila fufuta mu mútue, bhulu.

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Kuditenda 2:10

O ikulakaji ia monʼa kilumba Ziione a xikama ni ene mu mavu, exi ngó muene hudí; a di kuua fufuta ku mitue, a zuata idinhaji; o ilumba ia Jeluzaleme, azenzamena mítue bhoxi katé mu mavu.

Dialuilu 14:6

Ni Josuué dia Nune, ni Kalebe dia Jefune, ene ue a tokala mu ilolo iele mu londa ixi, a tandula izuatu iâ;

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 16:45

Katukenu muʼaxaxe ka kionge kiki, nda eme ngi ki jimise mu kapota-diesu. Ene-ṗhe bhenhobho a di ṗhudikila o jipholo bhoxi,

Jipoxolo 14:14

Jipoxolo-phe, Barnabé ni Phaulu, kia kʼ ivu, a tandula izuatu iâ, a lengela mu kaxi ka mundu ni kudikola, exi:

Josuué 7:7

Josuué anga u samba, uixi: Aiué! Ngana Jihova, tata! Kia bhiti kiebhi, kifuẋi kiki ua ki zaúkisa Njolodá, mbé ku tu bhakula bhu makuʼa Mamodi, nʼa tu buikise? Tamanu se tua kexidietu kiá ku sámbua koko dia Njolodá!

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!

Afundixi 11:35

Mu kuiza-ku-phe, kia zubha ku mu mona, u tandujula o izuatu iê, uixi: Aiué! monʼami, tata! ua ngi bheka mu kubhondalala, ua di bhange mukua ni ió ene ku ngi tatesa! kuma nga jikula dikanu diami kua Jihova, ki ngi tena-phe dingi kualuluka.

Afundixi 20:23

Anʼa Izalaiele anga aia hanji mù dila bhu pholo ia Jihova, katé mu ngoloxi; anga ebhula kua Jihova, exi: O kiki tu vutuka dingi mu kúlua ni anʼa Bejamí, o phange jetu? Jihova uixi: Ndenu muene, mua kà a lue.

Afundixi 20:26

Bhenhobho ana oso a Izalaiele, mundu uoso, a banda ku Betele, a dila, a xikama bhu pholo ia Jihova, hé a jila kizuua kioso kienhókio, ki bhua kúdia ki bhua kunua katé mu ngoloxi; a bhana ni jisata ja kuoha ni jisata ja paze bhu pholo ia Jihova.

Afundixi 21:2

Mundu anga eza bhu Betele, a xikama bhenhobho bhu pholo ia Nzambi katé mu kumbi dia ngoloxi, anga a suina mázui ni kudila kiavulu.

I Samuuele 4:12

Anga bhu kala diiala mukua muiji ua Bejamí, ua tundu ku ita, u bhixila ku Silo kizuua kienhokio, izuatu iê ua i tandujula, ua di te mavu mu mútue.