Josuué 7:25 - O Mikanda Ikola

²⁵ O kia bhixila momo, Josuué anga u mu ambela, uixi: Eie ua tu bhekela-hi kuxixima kuosʼuku? Jihova phe ue ua ku bhe kuxixima kizuua kia lelu. Izalaiele ioso anga a mu bûba ni matadi bhenhobho. Anga a oha mu túbhia, kioso kia zubha ku a bûba ni matadi.

Josuué 7:25 ပူးပေါင်းရင်းမြစ်များ

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

Dimatekenu 38:24

Ki bhua zubha kubhita mbeji jitatu, a ki kunda Juda exi: Mukajiʼa monʼé Tamale ua di bhange ndumbu; ua mono uala ni divumu dia lumbula mu undumbu. Juda uixi: Mu tubhudienu, a mu ohe mu túbhia.

I Malunda 2:7

O ana a Kálumi enhá: Akele o muzukutixi ua Izalaiele, ua-te ituxi mu ima iòkoleke kuma iòbhubhidile.

Jisabhu 1:19

Kiene-phe ki kala o jihoka ja ió oso a hamena nganhu iaxidi; kifua kiki kia ibha, ki jibha o muenhu ua muthu uoso uala na-kiu.

Jisabhu 15:27

Muthu uoso u fundamena o nganhu ia kudia mangonha, u titidisa dibhata diê; maji uoso u iibhila o mahitula, muene u kola o muenhu.

Ijila 20:14

Se bhu kala diiala u sakana o mona, anga u ta-bhu dingi o mama iene, o ioio phekalu; ni muene ni ahatu ió, mu a oha mu túbhia; mua kaie o phekalu muʼaxaxi kenu.

Ijila 20:2

Luamukuá anʼa Izalaiele a tangele, kuila: Muthu uoso, ku anʼa Izalaiele, mba ku jinzuángiza oso ene kunhunganena mua Izalaiele, uoso ubhakula monʼê mu sata ku dihamba dia Mulôko, afue muene, sé phata; athu oso atungu-nê, a tokala mʼoxiʼomo, ene muene a mu bûba ni matadi.

Ijila 21:9

Se bhu kala monʼa-muhatu, monʼa nganga, ubokona mu uuaia, o ió ualebhukisa phaiiʼâ; mu mu oha mu túbhia.

Ijila 24:14

O ió ua ẋongueneʼó mu tubhule muʼaleia, muie-nê katé ku maxilu ma kilômbo: oso-phe a mu ivile o kuẋongona, a te maku mâ ku thandu a mútue uê; bhenhobho-phe kionge kioso nda ki mu bûbe ni matadi.

Ngalásia 5:12

Eme ngʼ inda kuila enʼ ió ala ku mi vunza a di nongona ene mu lumoxi ʼté ku hádia!

Matendelelu 13:10

Anga mu mu bûba ni matadi katé kiafua, kuma-phe ua sotele ku ku ẋanjula kua Jihova Nzambi ié, Ió ua ku katula kʼoxi ia Ijito, mu dibhata dia ubhika.

Matendelelu 13:11

Bhanga-kiu muene, nda Izalaiele ioso a kʼivue, a kale ni uoma, mbé kʼalukile kubhanga kisunji kala kiki mudienu.

Matendelelu 17:5

o diialʼodio mba muhatuʼó muia-nê bhu muelu ua kimbaka kia dibhata, anga uoso uabhange o phekalu kala iii, mu mu bûba ni matadi katé kiafua.

Matendelelu 21:21

Bhenhobho-phe athu oso a mu mbongeʼomo a mu bûba ni matadi, katé kiafua; mu kubhanga kiki, eie ua bhuisa kikuma muʼ axaxe kenu, phala Izalaiele ioso kia kʼivua, a kale ni uoma.

II Tesalonika 1:6

Kala kiki, kima kiaiuka ki bhanga Nzambi kienʼ iki: O ku a vutuila hadi, ene oso a mi talesa enu hadi.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Josuué 6:18

Enu-phe alukenu, ki mu kuate kima kiókidike, kuma kima kiókidike, hé mu ki katula, mua-nda kubheka lufuku mu kilômbo kia Izalaiele, anga mu tatesa ni akuenu.

Josuué 7:15

Uoso-phe a mu kuata ni kima kiókidike, u kala muthu ua ku muoha mu túbhia ni dibhata diê dioso; mukonda ua somboka kikutu kia Jihova, uabhange ulaji muʼaxaxi ka Izalaiele.

I Samuuele 14:29

Jonata-phe uixi: Tatʼetu ua tatesa oxi: talesenu eme mu mesu mua ngi zele, mukonda eme nga lola-ku ngó o tuuikiʼutu.