Josuué 7:24 - O Mikanda Ikola

²⁴ Bhenhobho Josuué, ni anʼa Izalaiele oso, a kuata Akane dia Zelahe, ni phalata, ni kapote, ni mutàdi ua ulu, ni anʼê a mala ni a ahatu, ni jingombe jê, ni jibulu jê joso, ni jimbudi, ni balaka iene, ni ima ioso kiá ia kexile na-iu, anga a i bheka mu honga ia Akole.

Josuué 7:24 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Jobe 20:15

Ua minha maumvuama, maji hádia ua kà ma lusa, mu vumu diê, Nzambi ua kà ma tundisa-mu.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Jisabhu 15:27

Muthu uoso u fundamena o nganhu ia kudia mangonha, u titidisa dibhata diê; maji uoso u iibhila o mahitula, muene u kola o muenhu.

Ndongixi 5:13

O kima ue ki nga mono kia ibha dingi kiavulu kulu dia mundu, kienhiki; O muthu ku lunda o jimbongo phala kuzangiua kuê-muène.

Izaía 65:10

Salone ua kà dí-bhanga kibhanga kia jimbudi, o dikôlo dia Akole dinangu dia ibhaku, phala athuʼami a ngi soto.

Hozeia 2:15

Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Josuué 15:7

I bande dingi muene katé ku Ndebile, mu kuandekela mu dikôlo dia Akole, ku mbandu ia Kusuku, mu kulunga ku Jidingale, bhu kálundu ka Adumimi, kene ku sulu ia kahonga, katé ku matabhu ma Ene-semexi, anga i tundila-phe ku kisambu kia Ene-Lojele.

Josuué 22:20

Akane monʼa Zela ua tele kituxi, kia ku minha ima iókidike; o mulonga uê ki uejile ku thandu dia kionge kioso kia Izalaiele? Muthu umoxi ua te kituxi, kuabhingi kia bhitula mienhu ia ndumba!

Josuué 6:18

Enu-phe alukenu, ki mu kuate kima kiókidike, kuma kima kiókidike, hé mu ki katula, mua-nda kubheka lufuku mu kilômbo kia Izalaiele, anga mu tatesa ni akuenu.

Josuué 6:21

Anga a buikisa mienhu ioso mu mbongiʼomo, ni mala ni ahatu, ni anandenge ni tukulakaji, ni jingombe, ni jimbudi, ni jibulu; iene ioso buí, ku mazu a xibhata.

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

Josuué 7:23

Ima ienhoio anga a i katula mu balaka iê, a i bheka kua Josuué, ni ku anʼa Izalaiele oso; anga a i tula bhu pholo ia Jihova.

Josuué 7:26

Ku thandu diê anga a lunjika-ku ndumba ia dikota ia matadi. Katé ni lelu iá bhobho. Jihova anga u bateka kiua njinda iê. Kiene kia bhangesa o kididi kiókio ku kʼixana exi, Honga ia Akole, katé mu kizuua kia lelu.