Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Josuué 7:21 - O Mikanda Ikola

21 kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

အခန်းကိုကြည့်ပါ။ ကော်ပီ




Josuué 7:21
35 ပူးပေါင်းရင်းမြစ်များ  

A dianga kukala mu kilombo kia utuminu uê, Babele, Eleke, Akade, Kalene, mʼoxi ia Xinale.


O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.


Anʼa Jakobo anga a tula bhua jibhʼabha, dibhata dioso a di bhunda, mukonda a te kituxi ni phange iâ ia muhatu.


Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.


Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.


Bhene-obho-phe, kia bhixila o akua dibhute iá bhu muelu ua kilômbo, a bokona mu balaka imoxi, hé a dia, a nua, anga ambata-mu phalata, ni ulu, ni izuatu, anga aia mu ku i sueka; kieneʼokio a vutuka, a bokona mu balaka ia kamukuá, o mueneʼomo ue a zangulamu ni kima, hé aia, a sueka.


Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?


Ngi katule mesu mu kutala ima ia ulalu, u ngi bhane huii mu kenda o njila ié.


Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.


Kiene-phe ki kala o jihoka ja ió oso a hamena nganhu iaxidi; kifua kiki kia ibha, ki jibha o muenhu ua muthu uoso uala na-kiu.


Vinhu ku i tale ki u i mona o ku kusuka, ki ila mu kopho nguí, anga i thuthuma kifulu hé i kenzuluka kimuanu.


Muthu kia kala ni diesu diaiibha, dia luimbi, u di ta mazalu mu kuata jimbongo; ka kʼijiia-phe kuila uadiama ua mu kinga ku pholo ku aia.


Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.


Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.


Lamba dia ió oso a sota kusueka ima iâ ku mesu ma Jihova, nʼende ni kubhangela ima iâ mu kitombe, exi: Mukuahi u tu mona? Mukuahi u tu ijiia?


Lamba dia muthu uoso u izalesa mʼonzo iê ni jimbote ja tundu mu nganhu ia kubhanga kiaiibha, phala nʼa tena kuta o kikalanga kiê bhua di leka kinéne, phala ngó nʼa tena ku di sukununa bhu lukuaku lua kubhindama ki mu tundila o hadi iene ku mundu!


Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.


Kana kima-phe kiòbateke, ki kamba kutukuluka; kana kima kiòsueke, ki kamba ku kʼijiia.


O undumbu-phe, ni ufusa uoso, ni hanji jaiibha, ka jʼ ivue né ku ji ta ngó maka mu ʼaxaxe kenu, kala kia fuama akua Ngana.


Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.


Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!


Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.


Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.


Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.


Akane anga u vutuila Josuué, uixi: Kidi kiene, nga te kituxi kua Jihova Nzambi ia Izalaiele, kiene ki nga, bhangʼiki:


Josuué anga u tuma jiphunga kuia mu kutala mʼonzo, ene a lengela ku balaka iê, kapote a ka sanga bhua ka sueka mu balaka iê, iene ioso ni kitadi ki bhobho.


A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ