Josuué 7:20 - O Mikanda Ikola

²⁰ Akane anga u vutuila Josuué, uixi: Kidi kiene, nga te kituxi kua Jihova Nzambi ia Izalaiele, kiene ki nga, bhangʼiki:

Josuué 7:20 ပူးပေါင်းရင်းမြစ်များ

Dimatekenu 42:21

Anga a zuela mudiâ, exi: Ni kidi, etu tuala tu êdi muene; tua bele mukonda dia kiki ki tua bhangele Phangʼietu; tua muene malamba a muxima uê, iú tu dionda, maji nguetu kuivua; kiene kia tu ijiia o uíndua uosʼú.

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Jobe 7:20

Se-phe nga te kituxi, Ngana, ngi ku bhanga kiebhi, Eie uene mu kulanga athu? Ua ki bhangelaʼhi ku ta mesu kokuami, se kiedi katé ni eme-muène nga di kumu kiá, kuma kia ngi nemena?

Jisálamu 38:18

Nga di ẋikina-phe o kuêla kuami; kituxi kiami ngi ki diéla, né ngi ki talela hadi.

Makatukilu 10:16

Bhenhobho Falaó u tuma kuixana Mozé ni Alá ni lusolo; u a ambela, uixi: Nga te kituxi, ni kua Jihova, Nzambi ienu, ni kókuenu enu.

Makatukilu 9:27

Bhenhobho Falaó u tuma kuixana Mozé ni Alá, u a ambela, uixi: Kumbʼidi nga te muene kituxi; Jihova kidi kiê, ualunguʼê, ni eme ni mundu uami tua bhukumuka.

Dialuilu 22:34

Balamu anga u zuela, uixi: Nga te kituxi; kuma ki nga kʼijidile kuila eie ua ngʼimanena mu njila; kiki-phe hé kia ku iibhila, zá ngi vutuke ku nga tundu.

Matesu 26:9

Hinu ua ma sumbisa mu itadi iavulu, ni a i bhane ku jingadiama!

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

I Samuuele 15:24

Saúlo anga u ambela Samuuele, uixi: Nga te kituxi; kuma nga tondala kia ngi tumu Jihova, ni kizuelu kié-eie; mukonda nga kexe ni uoma ua mundu, eme ngevu dízui diâ.

I Samuuele 15:30

Muene bhenhobho uixi: Nga te kituxi; kiki-phe ngi bhange kia ngó ujitu, nga ku diondo, bhu pholo ia adiakimi a mundu, ni bhu pholo ia Izalaiele, nda uize u ngi bheke, phala ngi bheze Jihova Nzambi ié.