Josuué 7:13 - O Mikanda Ikola

¹³ Balumuka, u zelese o kifuẋi, u a ambele kuila: Di zelesienu, mbé kizúua kia mungu, kuma Jihova, Nzambi ia Izalaiele, uambe kiki: Muala ni kima kiókidike muʼaxaxi kenu, mu Izalaiele; kiene ki mua lembuela kuimana bhu pholo ia jinguma jenu, katé ki mu tubhula o kima kiókidike kiala muʼaxaxi kenu.

Josuué 7:13 ပူးပေါင်းရင်းမြစ်များ

Dimatekenu 34:27

Anʼa Jakobo anga a tula bhua jibhʼabha, dibhata dioso a di bhunda, mukonda a te kituxi ni phange iâ ia muhatu.

II Malunda 28:10

O kiki-phe enu mua-lu xinganeka kuila anʼa Juda ni Jeluzaleme a kala abhikʼenu, kuma ala jihutile ja mala ni ja ahetu; manhi kʼenuʼenu muene amoxi ni enhó, ala ni kikuma mu kaẋi kâ, kua Jihova, Nzambi ienu?

Matesu 7:5

Kamangonha! Dianga hanji kukatula o kimuẋi mu diesu dié eʼ muène, nda u mone kiua kukatula o kakisoso mu diesu dia mukuenu.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Josuué 3:5

Josuué anga uambela kifuẋi uixi: Di zelesienu; mukonda mungu, kuma ki kúkia, Jihova ua-ndu bhanga madiuanu muʼaxaxi kenu.

Josuué 6:18

Enu-phe alukenu, ki mu kuate kima kiókidike, kuma kima kiókidike, hé mu ki katula, mua-nda kubheka lufuku mu kilômbo kia Izalaiele, anga mu tatesa ni akuenu.

Josuué 7:11

Izalaiele uate kituxi; ua somboka muene o kikutu kiami kioso ki nga mu tendelela; ku imbamba iókidike ua katula-ku, ua nhana, ua te makutu; katé ua ki suekela mu kaẋi ka imbamba iê muene.