Josuué 7:12 - O Mikanda Ikola

¹² Kiene kia lembuela anʼa Izalaiele kuimana bhu pholo ia jinguma jâ; a bhana makunda ku jinguma ni kulenga, mukonda ala ni mázui. Hé mu kamba kutubhula kimʼokio kiokidike muʼaxaxi kenu, eme ki ngi kala dingi kumoxi ni enu.

Josuué 7:12 ပူးပေါင်းရင်းမြစ်များ

Jisálamu 44:10

Ua-lu tu bhesa lusolo, bhu pholo ia jinguma jetu; ió a tu zembe, ene a mu tu bhûnda, a tu bomona muene, o jimbote jetu joso a tu bu-ju.

Jisálamu 60:10

Kifua kʼeie muène, ua tu ambudisa, Ngana Nzambi? Kʼeie-muène Ngana Nzambi, ua mu fula kiá kubheka o ifuẋi ietu ku ita?

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Izaía 59:2

Maji o ikuma ienu iene ia di bhange kibatulu kia xiti bhu kaxi nʼenu ni Nzambi ienu; o ituxi ienu iene ia mu vungu pholo, phala a kambe ku miʼvua.

Jelemiia 23:33

Kioso-phe athu iá kia kuibhula, mba polofeta ioso-ioso, mba nganga, kuila: O kunema, kua Jihova, kuebhi? Eie-phe u mu vutuila, uexi: Kunema kuahi? Nga-nda ku miʼxa. Jihova ua ki tange.

Jelemiia 6:8

Diiukise, eie Jeluzaleme, phala muenhu uami ki u kuxie, hé ngi ku bhanga u ngundu, nʼu kituka ixi ia kamba dibhata.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Dialuilu 14:39

Mozé anga u tangela anʼa Izalaiele oso o maka menhama; kifuẋi anga a dila kiavulu.

Dialuilu 14:42

Kana kuia-ku; kuma kuia ngó, Jihova ki muala nê, a mi beta kuala jinguma.

Dialuilu 14:43

Mukonda akua Amaleke ni akua Kanana iá kuenhuku ku muia, mua kà fuila ku xibhata; kuma mua ditunu kukaiela Jihova, muene kʼàia dingi ku mi bheka.

Dialuilu 14:45

Bhenhobho akua Amaleke a kulumuka, ni akua Kanana, a tungu mu mulundu muenhomo, anga a a bhesa lusolo, katé bhu Holoma.

Matendelelu 7:26

Kana kubokuesa kima kia ufusa ni kisunji mu jinzo jenu; mu di zemba na-kiu muene, phala ki mu di bhekele lufuku ku thadu dienu, anga mu sokela ni ima ienhoio; inda i mi ibhile muene, sondoluele-nu-iu dikanga, mukonda lufuku muene.

Josuué 6:18

Enu-phe alukenu, ki mu kuate kima kiókidike, kuma kima kiókidike, hé mu ki katula, mua-nda kubheka lufuku mu kilômbo kia Izalaiele, anga mu tatesa ni akuenu.

Afundixi 16:20

Muhatu anga u dikola u mu ambela, uixi: Akua Fidíxia a ku tula, Sansau! Muene anga u thathumuka ku kilu, uixi: Ngi tunda, kala ki ngene kubhanga kiá, ngi di kukumuna mu kudibhangela. Mukonda muene ka kʼijidile kuila Jihova ua mu ehelela kiá,

Afundixi 2:14

Njinda ia Jihova anga i uamena Izalaiele, Muene hé u a bhakula bhu maku a ingumba i kala mu ku a bhûnda; anga u a tambuisa bhu maku a jinguma jâ, ja a kala mu jimbandu, katé ka tena dingi kuimana mu kubhânga ni jinguma jâ.

Afundixi 2:4

Kia zubha mukunji ua Jihova kuzuela makʼama kua ana oso a Izalaiele, mundu uoso uta nzôngo, a suina dízui ni kudila.

I Samuuele 14:38

Saúlo anga u zuela, uixi: Bhiẋilenu bhabha enu oso mu makota a mundu, tu te hasa mu tungula uoso lelu ua te kituxi.